Rata a te amaa
E te feia poro here i te Basileia e,
Te oaoa nei tatou i te iteraa i te haereraa i mua o te ohipa i te tuhaa fenua a te amaa no Tahiti i te roaraa o te matahiti taviniraa 2007! Ua raea ia tatou te numera teitei 1 971 taata poro i Me, o te 11raa ïa o ta tatou maraaraa tamau. Ua ite outou e e 6 704 taata tei tae mai i te Oroa haamanaˈoraa i te 2 no Eperera, o te hoê ïa numera faahiahia no ta tatou amaa e te hoê maraaraa e 3,5 % ia faaauhia i to te matahiti i mairi aˈenei!
A tahi ra i roto i te tuatapaparaa o ta tatou amaa a hemo ai te numera 100 pionie tamau. I Mati, e 280 pionie tauturu tei haa ma te itoito i roto i te taviniraa. Mai Eperera mai â, hau atu i te 2 400 haapiiraa bibilia tei faatere-tamau-hia.
Hau atu i te 43 000 Parau apî o te Basileia no 37, “Ua fatata te hopea o te haapaoraa hape!” tei operehia i roto i te tuhaa fenua a te amaa. Mea rahi tei poro faahou maoti teie opereraa.
Te fa o taua mau opereraa ra, o te tautururaa ïa i te feia aau haavare ore ia ite eaha ta te Bibilia e haapii mau ra. (Mat. 28:19, 20) A poro ai outou, a haamanaˈo i te tapao i te feia atoa e anaanatae e a farerei faahou ia ratou ma te fa e haamata i te hoê haapiiraa bibilia. Te oaoa nei matou i te haa amui e o outou i roto i teie ohipa faufaa, e te faatae atu nei matou i to matou here Kerisetiano mahanahana.
To outou mau taeae,
Amaa no Tahiti