Porotarama o te tairururaa haaati i mua nei

Te hinaaro nei te ao ia tiaturi tatou e e vai o ˈna e a muri noa ˈtu. Mea ê râ ta te Parau a te Atua e parau maira. (Ioa. 1, 2:15-17) Te tauturu maira te reira ia tatou ia taa e mea faufaa ore ‘ia haapue i te taoˈa i nia i te fenua.’ No te faaitoito i te nunaa o te Atua, i te roaraa o te matahiti taviniraa 2007, e tatara te porotarama o te tairururaa haaati i te manaˈo tumu ‘A haapue i te taoˈa i nia i te raˈi.’—Mat. 6:20.

E tuhaa te feruriraa materia o ta te Ephesia 2:2 e parau ra “te arii mana o te reva nei, te varua e ohipa puai i teie nei i roto i te feia faaroo ore ra.” Mai te mataˈi i te mau vahi atoa e e mea ohie ia huti, oia atoa ‘te varua o teie nei ao’ i roto i teie faanahoraa. (Kor. 1, 2:12) Mea puai to ˈna mana e parauhia ˈi e to ˈna “varua.” E tauturu te porotarama o te tairururaa haaati i mua nei ia tatou ia faarue i te feruriraa materia o te ao e ia haamau i to tatou ara-maite-raa i nia i ta tatou mau fa matamua. (Mat. 6:33) E hiˈo atoa tatou e nafea ia tiaturi ia Iehova no te rave i ta tatou taviniraa noa ˈtu te mau fifi e te mau tamataraa o ta tatou e farerei nei.

A faaitoito e ia tae iho â oe i na mahana tairururaa e piti e no te “faarahi hua ˈtu i te haapao” i te porotarama. (Heb. 2:1) A papai potopoto i te mau manaˈo o ta oe e nehenehe e faaohipa i roto i to oe oraraa e ta oe taviniraa. Mai te peu e e tae oe i te haamataraa e tae atu i te hopearaa o te porotarama pae varua hoona, e itoitohia e e puaihia oe no te tamau i te ‘haapue i te taoˈa i nia i te raˈi’!