Hoê ravea no te tauturu ia ratou

Te rohi nei te mau Kerisetiano mau i roto i te taviniraa ma te haaparare i te parau apî maitai. (Phil. 2:17) Ei ravea no te faatupu i te reira, te vai ra i nia i te Internet i te www.watchtower.org, vetahi mau buka rairai, api parau e tumu parau faufaa na roto e 20 reo. Aita teie afata poroi Web i faataahia no te opere i te mau papai apî na te mau Ite no Iehova. Ta ˈna fa, ia noaa ïa i te huiraatira te mau haamaramaramaraa papu no nia i te mau haapiiraa bibilia a te mau Ite no Iehova.

Aita i maoro aˈenei, ua tuuhia mai te hoê mea hau faufaa i roto i ta tatou afata poroi Web. O te buka rairai ïa Eaha ta te Atua e titau ra ia tatou? na roto e 220 tiahapa reo. Oia atoa, mai te mau numera o te 1 e o te 8 no Tenuare 2004 mai, ua haamata te api hopea o Te Pare Tiairaa e te Réveillez-vous! na roto i te mau reo atoa i te faaite i to tatou vahi nohoraa Web.

E nafea outou e faaohipa ˈi i teie ravea? Peneiaˈe e farerei outou i te hoê taata e huru anaanatae to ˈna, o te taa noa râ i te tahi reo ê. Mai te peu e e nehenehe o ˈna e haere i nia i te Internet, e faaite atu ïa outou i te vahi nohoraa Web i te api hopea o Te Pare Tiairaa aore ra te Réveillez-vous! E nehenehe ïa oia, na roto i taua ravea ra, e hiˈopoa i te buka rairai Titau na roto i to ˈna iho reo a tiai noa ˈtu ai i te taime e hoˈi ai outou e farerei ia ˈna e te mau papai na roto i to ˈna reo. Aore ra e nehenehe outou e faatae i to ˈna vahi nohoraa i te amuiraa aore ra pǔpǔ e haapao ra i to ˈna reo.