E nafea ia pûpû i te mau vea

Réveillez-vous! 22 no Me

“I teie mahana, tei roto te mau maˈi faatupuhia e te mau manumanu i te mau haamǎtaˈuraa o te haafifi nei i to tatou ea. Ua ite anei oe e e nehenehe e rave i te mau ravea no te paruru ia tatou? [E faaroo tatou i te pahonoraa.] Te faahiti ra teie vea i tera mau ravea e te vauvau ra i te parau fafau bibilia oia hoi, i te hoê mahana e ore roa te mau maˈi.” E faahope tatou ma te taio i te Isaia 33:24.

Te Pare Tiairaa 1 no Tiunu

“I te mau mahana atoa, te faaroo nei tatou i te parau o te mau ohipa haavîraa uˈana. I to oe manaˈo, e mea apî anei taua tupuraa ra? [E vaiiho tatou i te taata ia pahono.] A tapao na eaha ta te Bibilia e parau ra. [E taio tatou i te Mataio 24:37.] No te rahi roa o te ino i te anotau o Noa ra i haamou ai te Atua i te huitaata, eiaha râ ia Noa e to ˈna utuafare. E faaite teie vea ia oe eaha ta teie mau tupuraa e haapii mai ia tatou i teie mahana.”

La Tour de Garde 1 no Tiunu

“Ia faaroohia te parau o te faaohiparaa tano ore o te mau ô i roaa mai, e uiui tatou e mea maitai anei ia horoa na te mau taatiraa hamani maitai. Teie râ, e rave rahi roa taata o te hinaaro ra i te tauturu. I to oe manaˈo, eaha te tia ia ravehia? [E vaiiho tatou i te taata ia pahono. I muri iho, e taio tatou i te Hebera 13:16.] Te faataa ra teie vea i te mau huru ô ta te Atua e au.”

Réveillez-vous! 8 no Tiunu

“I teie mahana, e au ra e aita e haafaufaa-rahi-hia nei te haerea morare e te mau peu maitatai mai i mutaa ihora. Peneiaˈe o to oe atoa anei ïa manaˈo? [E faaroo tatou i te pahonoraa.] A tapao na i teie tohu no roto mai i te Bibilia. [E taio tatou i te Timoteo 2, 3:1-5.] Te horoa ra teie numera o te Réveillez-vous! i te mau tumu o te toparaa o te mau faufaa totiare e te faaite ra eaha ta te oraraa no a muri aˈe e pûpû mai na tatou.”