Pahonoraa i ta outou mau uiraa

◼ Ia poro tatou na roto i te niuniu paraparau, e mea tia anei ia faataa tatou e nafea ta tatou ohipa e turuhia ˈi i te pae moni?

Ia poro tatou i te hoê taata ta tatou e farerei, e nehenehe e faataa e na te mau ô horoahia ma te aau tae e turu roa i te ohipa haapiiraa bibilia a te mau Ite no Iehova na te ao nei e e oaoa tatou i te farii i tera mau ô. Teie râ, eiaha tatou e faahiti i te parau o te mau ô ia poro tatou na roto i te niuniu paraparau, e nehenehe e manaˈohia e e taparuraa moni na roto i te niuniu paraparau tera. E ere roa ˈtu te ohipa a te mau Ite no Iehova i te tapihooraa.—Kor. 2, 2:17.

◼ Ia poro tatou na roto i te niuniu paraparau, eaha te rave ia ani mai te hoê taata ia tatou eiaha e niuniu faahou ia ˈna?

E mea titauhia ia haapao tatou i ta ˈna aniraa. E mea tia ia tuu tatou i roto i te vehi rata o te tuhaa fenua i te hoê parau faaite ma te taio mahana e te iˈoa o te taata ia ore hoê noa ˈˈe taata poro e niuniu faahou i tera taata. Hoê taime i te matahiti, e hiˈo-faahou-hia te tapura fare o te ore e niuniu-faahou-hia. I raro aˈe i te aratairaa a te tiaau no te taviniraa, e maitihia vetahi feia poro aravihi o te farerei atu ma te faatano i te parau i tera mau taata e hiˈo atu ai e ua taui anei to ratou manaˈo.—A hiˈo i Ta tatou taviniraa i te Basileia no Tenuare 1994, Pahonoraa i ta outou mau uiraa.