No te aha tatou e here ai i te fetii taeae atoa

I roto i te ao here ore ta tatou e ora nei, e nafea ia faahotu i te here puai i to tatou mau taeae pae varua? (Pet. 1, 2:17) E nafea ia faaite i to tatou taata-tupu e e fetii taeae nunaa rau iho â tatou? (Mat. 23:8) Maoti ïa te ripene video Toute la communauté des frères, o te faaite ra i te mau tumu e here ai tatou te tahi i te tahi. A hiˈo na e e nehenehe anei outou e pahono i teie mau uiraa:

(1) Eaha na ohipa e toru ta tatou e rave nei e to tatou fetii taeae i te ao nei? (2) E nafea to tatou mau taeae e faaite ai i ta ratou faaotiraa papu e poro (a) i te mau tuhaa fenua ano i Alaska, (b) i te mau uahu aano i Europa, (c) i roto i te mau uru raau meumeu i Peru? (3) Eaha te hoê mauhaa pororaa maitai roa? (4) No te aha tatou e ore ai e manaˈo e e ohipa rii noa te pororaa? (5) A horoa i te tahi mau hiˈoraa e mea nafea te mau Ite no Iehova i te tamahanahanaraa e te tururaa te tahi i te tahi i roto i te fifi, te aueueraa fenua, te vero rahi aore ra te tamaˈi tivira. (A hiˈo i te aamu o Takao, i te api 23 o te Réveillez-vous! o te 22 no Atete 1995 e to Kotoyo, i te api 20 o te Réveillez-vous! o te 22 no Atopa 1996.) (6) E nafea tatou paatoa e faaite ai ma te au noa i te tapao o to tatou fetii taeae? (Ioa. 13:35) (7) Eaha te faufaaraa o te mau putuputuraa a te amuiraa? (8) Eaha te manaˈo o te feia aita ta ratou e Piha a te Basileia na mua ˈˈe? (9) Mea nafea to tatou mau taeae no Europa Hitia o te râ e no Rusia i te oraraa mai i te pae varua i te opaniraa? (10) I teie nei â, eaha te mau tutavaraa faahiahia ta te mau Ite rau e rave nei no te haere i te mau tairururaa, e no te aha? Ua faaitoito te reira ia outou ia aha? (11) No te aha outou i faaoti papu ai e haamori ia Iehova i roto i te auhoêraa, e tauturu ia vetahi ê i te mau taime fifi e e poro maite i te mau taime atoa e ma te mau ravea atoa e vai ra? (12) No te aha e tano ai ia rave outou i teie ripene e ia faaite atu i te taata e rave rahi atu â o te anaanatae ra i te parau mau?