Haamanaˈoraa no te Haapiiraa o te taviniraa teotaratia
E hiˈopoa-parau-vaha-hia te mau uiraa i muri nei i te Haapiiraa o te taviniraa teotaratia i te hebedoma o te 29 no Titema 2003. Na te tiaau no te haapiiraa e faatere i te haamanaˈoraa e 30 minuti o te mau manaˈo i vauvauhia i te mau hebedoma o te 3 no Novema e tae atu i te 29 no Titema 2003. [Nota: No te uiraa aita i faataahia te papai, na outou e rave i ta outou iho maimiraa ia itea mai te pahonoraa.—A hiˈo i te École du ministère [be], api 36-7.]
TUHAA ORERORAA
1. No te aha e mea faufaa roa ˈi ia faaohipa i te Bibilia i roto i te taviniraa? [be api 145 par. 2, tumu parau tarenihia]
2. E nafea te mau irava tapiri e ohipa ˈi i nia i te huru omuaraa o te hoê irava? [be api 149]
3. No te aha e mea faufaa ˈi ia haamahitihiti i te mau taˈo tano ia taiohia te hoê irava bibilia, e e nafea te reira e raeahia ˈi? [be api 151 par. 2, tumu parau tarenihia]
4. E nafea ia faaohipa i te aˈoraa a Paulo ia ‘tia i te tufa i te parau mau’ ia haapii tatou ia vetahi ê, e no te aha e mea faufaa ˈi te reira? (Tim. 2, 2:15) [be api 153 par. 2, tumu parau tarenihia]
5. Mea nafea to Paulo ‘haaferuriraa ia au i te mau Papai’? (Ohi. 17:2, 3, MN) [be api 155 par. 5–api 156 par. 1]
VAUVAURAA No 1
6. Ia faaohipa tatou i ta tatou mauhaa maimiraa faufaa roa ˈˈe, te Bibilia, no te faaineine i te hoê oreroraa parau, no te aha e mea maitai ai ia (1) hiˈopoa i te mau irava tapiri, (2) hiˈo i te mau irava faahororaa, e ia (3) maimi e te hoê buka faahororaa bibilia? [be api 34 par. 3–api 35 par. 2]
7. E nafea ia faaite i te taiva ore mau e i nia ia vai? [w01 1/10 api 22-3]
8. Na te aha e faaite e o Iehova te Fatu mau o te tau? (Dan. 11:35-40; Luka 21:24) [si api 284 par. 1]
9. Eaha te mau tuhaa e mea tia ia haamanaˈo ia faaoti tatou eaha te mau manaˈo e faaohipa i muri aˈe i te maimiraa no te hoê oreroraa parau? [be api 38]
10. No te aha te parau a Iesu no nia i ‘te anotau ia Noa ra’ e tano ai i to tatou tupuraa i teie mahana? (Mat. 24:37) [w01 15/11 api 31 par. 3-4]
TAIORAA BIBILIA TAHEBEDOMA
11. E nafea te rata a Paulo ia Philemona e faaite ai e te ohipa faauehia a te hoê Kerisetiano o te tautururaa ïa i te mau taata ia riro mai ei Kerisetiano, eiaha râ te faaitoitoraa i te tauiraa totiare? (Philem. 12)
12. Eaha te taa-ê-raa i rotopu i te ‘painuraa,’ “faarueraa,” e te ‘taivaraa’? (Heb. 2:1, MN; 3:12; 6:6) [w99 15/7 api 19 par. 12; w86-F 1/6 api 14 par. 16-7; w81-F 1/3 api 23 par. 8]
13. E nafea ia ape i te parau ‘ia tia i te Fatu ra’ o Iehova i roto i te tahi ohipa haihai? (Iak. 4:15) [cj-F api 170 par. 3–api 171 par. 1]
14. Eaha te auraa “te tiairaa e te ruraa ˈtu ia tae mai taua mahana o te Atua ra,” e nafea tatou e nehenehe ai e na reira? (Pet. 2, 3:12) [w97 1/9 api 19-20]
15. Eaha te aˈoraa faufaa no te mau Kerisetiano i teie mahana e itehia ra i roto i te mau poroi i na amuiraa e hitu faahitihia i roto i te Apokalupo pene 2 e te 3? (Apo. 2:4, 5, 10, 14, 20; 3:3, 10, 11, 17, 19)