Te titauhia ra i to tatou mau taata-tupu ia faaroo i te parau apî maitai
1 Te hinaaro nei te Atua “i te [mau huru] taata atoa ia ora, e ia noaa te ite [papu] i te parau mau.” (Tim. 1, 2:4; MN) Te auraa o te parau ra “te mau huru taata atoa” oia hoi to tatou mau taata-tupu atoa ïa. No te haaputapû ia ratou e te parau apî maitai, e faatano tatou i ta tatou mau faaiteraa e e feruri tatou i te mea e nehenehe ratou tataitahi e anaanataehia. (Kor. 1, 9:19-23) Te horoa mai nei te faanahonahoraa a Iehova i te mau ravea o te tauturu ia tatou ia haaputapû i te mafatu o te feia “[“aau farii maitai,” MN] no te ora mure ore.” (Ohi. 13:48) E hiˈo anaˈe nafea ia faaohipa i te mau vea iti huru rau, o ta tatou e pûpû i te mau avaˈe Tiurai e Atete, no te haamâha i te mau hinaaro pae varua o to tatou taata-tupu.
2 Te mau vea iti o ta tatou e pûpû: E nehenehe tatou e faufaahia i te mau manaˈo i muri nei no te pûpû atu i te tahi mau vea iti. I roto i te mau manaˈo atoa te vai ra: 1) te hoê uiraa o te haaferuri no te haamata i te tauaparauraa, 2) te hoê tumu parau i roto i te vea iti i reira tatou e ite ai i te mau manaˈo no te tauaparauraa e 3) te hoê irava Bibilia tano maitai o ta tatou e nehenehe e taio i roto i te tauaparauraa. No te toea o te faaiteraa, e faaohipa tatou i ta tatou iho mau parau e e haapao tatou i te anaanatae o te taata. Te vai ra te hoê faaiteraa faataa-maitai-hia o te rahiraa o te mau vea iti i roto i te hoê neneiraa i mairi o Te taviniraa o te Basileia i faahitihia.
Te haapao mau ra anei te Atua ia tatou?
I to oe manaˈoraa, eaha te tiaturiraa no te feia o tei hamani-ino-hia?—Api 27-28, par. 23-27; Isa. 65:17, 18; km-TH 7/97 api 4.
Eaha te tumu o te oraraa? Nafea outou e ite ai i te reira?
Eaha te tumu aita te rahiraa o te taata i teie mahana e mauruuru nei i to ratou oraraa?—Api 29-30, par. 2, 25-26; Sal. 145:16; km-TH 7/96 api 4.
E oaoa oe i te fenua e a muri noa ˈtu!
Ua aniani aˈena anei oe e eaha ta Iesu Mesia ohipa i teie taime?—Hohoˈa 41-42; Apo. 11:15; km-TH 8/96 api 8.
Te faatereraa o te haamau i te Paradaiso.
E hinaaro anei oe e ite e no teihea Basileia i haapii ai o Iesu ia tatou ia pure?—Api 3; Mat. 6:9, 10; km-TH 8/96 api 8.
Ia pohe tei herehia e outou na.
Ua fifihia anei outou no te ite-ore-raa nafea ia tamahanahana i te hoê taata e ua pohe te hoê taata herehia e ana?—Api 26, par. 2-5; Ioa. 5:28, 29; km-TH 7/97 api 4.
E tia anei ia tiaturi i te Toru Tahi?
Ia manaˈo anaˈe oe, e mea faufaa anei ia ite i te huru mau o te Atua no to tatou oraraa no a muri aˈe?—Api 3, par. 3, 7-8; Ioa. 17:3.
3 Te tahi atu mau vea iti: Te horoa ra te api hau o Te taviniraa o te Basileia no Febuare 1998 i te hoê tabula o te mau vea iti e te tahi atu mau papai no te feia faaroo Buddha, te feia faaroo Hindu, te mau ati Iuda e te mau Mahometa. Ia tano-anaˈe-hia, e nehenehe atoa tatou e pûpû atu. No te mau manaˈo, e hiˈo faahou tatou i te mau api 4-6 o taua api hau ra, e tae noa ˈtu i te mau api 21-24 o te buka ra Haaferuriraa (Farani), e e faaineine anaˈe i te mau faahiˈoraa poto o te faaara i te anaanatae o te mau taata.
4 Ua nenei-atoa-hia te tahi atu vea iti no te feia, peneiaˈe mea maramarama ratou, e mea iti roa râ to ratou ite no nia i te Bibilia. Te turai nei oia ia ratou ia tuatapapa i te Parau a te Atua. Mai te peu e e farerei tatou i te hoê tupuraa tano maitai, e nehenehe tatou e pûpû atu:
E buka no te mau taata atoa (Farani).
I to oe manaˈoraa, e ô atoa mai anei te hoê faito ite o te Bibilia i roto i te hoê haapiiraa maitatai?—Api 3, par. 1-3 e te api 30, par. 2; Koh. 12:9, 10.
5 Te hoê vea iti no te haapiiraa: E tia ia tatou ia haamau noa i te tapao e haamata i te hoê haapiiraa Bibilia, i te farereiraa matamua aore ra i te hoˈi-faahou-raa i muri aˈe. No reira, te vai ra ia tatou nei te hoê vea iti o te tauturu ia tatou ia haamata, e i muri iho ia faatere ohie noa i te hoê haapiiraa:
Eaha ta te Atua e titau ra ia tatou?
Ua ite anei oe e i roto noa tau 30 minuti, te faito rahi roa ˈˈe, i te hebedoma, i roto 16 hebedoma, e nehenehe e noaa ia oe i te hoê ite au noa o te Bibilia?—Haapiiraa 2, par. 6; Tim. 2, 3:16, 17; km-TH 3/97 api 4.
6 I roto i ta ˈna parabole no nia i te taata hamani maitai no Samaria, ua faaite maitai Iesu e te taata-tupu mau, o te taata ïa e faatupu i te aroha e te hamani maitai i nia i te taata i atihia. (Luka 10:27-37) Tei roto hoi to tatou mau taata-tupu i te ahoaho. Te titauhia ra ia ratou ia faaroo i te parau apî maitai. No reira, e amo maitai anaˈe i ta tatou hopoia i mua i to tatou taata-tupu ma te faaara ˈtu ia ˈna. Ia na reira tatou, e riro mai ïa tatou ei mau pǐpǐ mau a Iesu Mesia.—Mat. 24:14; Gal. 5:14.