Te porotarama o te tairururaa haaati i mua
1 Te tumu parau o te mau tairururaa haaati i mua o te haamata i te avaˈe setepa oia hoi “A ara, ia mau papu, a faaitoito”. E mau parau faaitoitoraa teie a te aposetolo Paulo i te mau kerisetiano o te senekele I, faahitihia i roto i te Korinetia 1, 16:13.
2 E faaitehia na mua i te tairururaa, e mea faufaa ia hiˈopoa tamau noa tatou ia tatou iho i te pae varua. Ia tapea noa tatou i te faaotiraa papu e rave i te mea tia i teie mau ‘mahana hopea’, e mea faufaa ia hiˈopoa tatou ma te haavare ore i to tatou mau taairaa e o Iehova e i ta ˈna faanahonahoraa (Tim. 2, 3:1). E faahaamanaˈohia tatou e te mauruuru nei o Iehova i ta tatou mau tutavaraa. Te hinaaro nei tatou e ia haapiihia tatou ia faaite i te mau huru maitatai kerisetiano e te hoê haerea maitai.
3 E tuuhia te tapao i nia i te faufaaraa ia apiti ma te itoito i roto i te taviniraa e faariro i te mau taata ei pǐpǐ, ma te hinaaro e haere i mua i te pae varua e ia amo i te mau hopoia. E horoahia te mau manaˈo tauturu o te faaite e nafea tatou, tataitahi e te utuafare, e apee i te hoê porotarama tamau o te maa varua i roto i te mau oreroraa parau, mau faahiˈoraa e te mau aparauraa e rave rau.
4 I te mahana maa, e nehenehe te feia tei faaî i te mau titauraa e faaite i mua i te taata e te pûpû ra ratou ia ratou no Iehova ma te bapetizoraa. Te hinaaro nei râ tatou pauroa e tae i te sabati no te faaroo i te oreroraa parau huiraatira “Eaha to outou tiaraa i mua i te Atua?”
5 E hope te porotarama na roto i te mau faaitoitoraa no te faaea noa ma te mau papu i roto i te faaroo, ma te ohipa i roto i te hoê feruri here e te hau i nia ia vetahi ê. Te tairururaa haaati o te hoê ïa o te mau taime taa ê ta Iehova e horoa mai ra no tatou nei no te ‘faaaraara ia tatou i te aroha, e no te rave i te mau ohipa maitatai’. (Heb. 10:24, 25.) E faanaho ia tatou ia tae i na mahana e piti.