E tia anei ia taui pinepine i te faaiteraa?

Te horoa ra Te taviniraa o te Basileia tataitahi i te mau faaiteraa bibilia e rave rau o ta tatou e nehenehe e faaohipa i roto i te pororaa. Te imi nei e rave rahi feia poro itoito mau i te mau manaˈo apî no te tauiui i ta ratou mau omuaraa parau. Te haamâha nei Te taviniraa o te Basileia i to ratou mau hinaaro ma te horoa ˈtu e rave rahi mau faaiteraa i te mau avaˈe atoa.

Peneiaˈe aita tatou e ite ra i te faufaa ia taui pinepine i ta tatou mau faaiteraa. E poro noa paha tatou tau hora noa i te avaˈe i tera e tera fare. I te roaraa o te tau, ua itehia e tatou te mau faaiteraa e tano ia tatou e o te horoa mai i te mau faahopearaa maitatai. Tei nia iho paha i te mau irava e rave rahi tei faaohipa-pinepine-hia mai te Salamo 37:9-11, Petero 2, 3:13, Apokalupo 21:4, e rave rau atu â. Mai te peu e te reira iho â, aita e titauhia ia taui pinepine i te faaiteraa. Ta tatou fa matamua o te faaiteraa ïa i te tiaturiraa o te Basileia e te tautururaa ia vetahi ê ia haapii i te mea e tia ia rave no te fanaˈo i te mau haamaitairaa a Iehova. Mai te peu e e ite tatou i roto i te buka Haaferuriraa i te mau faaiteraa anaanatae e te tano, o te horoa mai i te mau faahopearaa maitatai e o ta tatou iho â e hinaaro ra, eiaha e haamarirau i te faaohipa i te reira.