E poro anei te vahine Ite no Iehova?

E. E taata poro te mau Ite no Iehova atoa, tae noa ˈtu e mirioni vahine. I roto i te reo tumu, te faahiti ra te Salamo 68:11 i te hoê pǔpǔ vahine rahi o te faaite i te parau apî maitai.

Te pee nei te mau vahine Ite no Iehova i te hiˈoraa o te mau vahine i roto i te Bibilia. (Maseli 31:10-31) Noa ˈtu e e ere na ratou e aratai i te amuiraa, te apiti rahi nei ratou i te taviniraa. E haapii atoa ratou i te mau faaueraa tumu Bibilia i ta ratou mau tamarii. (Maseli 1:8) Ma ta ratou mau parau e ohipa, te faaitoito nei te mau vahine Ite no Iehova i te horoa i te hiˈoraa maitai.—Tito 2:3-5.