Te aufau ra anei outou i te tuhaa ahuru?

Aita te mau Ite no Iehova e aufau nei i te tuhaa ahuru. Na te mau ô horoa noa e turu ra i ta matou ohipa. Eaha te tuhaa ahuru e no te aha te mau Ite no Iehova e ore ai e aufau i te reira?

Te tuhaa ahuru, o te faufaa ïa ta te hoê taata e horoa ra. E faaueraa teie o te Ture horoahia i te nunaa Iseraela i tahito ra. Te faaite papu nei râ te Bibilia e ere no te mau Kerisetiano tera Ture, oia atoa te faaueraa “e rave i te ahuru o ta te taata ra taoˈa.”—Hebera 7:5, 18; Kolosa 2:13, 14.

Aita te mau Ite no Iehova e faahepohia ra ia horoa i te tuhaa ahuru e i te mau ô. Te pee nei râ ratou i te hiˈoraa o te mau Kerisetiano matamua e te turu nei i ta ratou taviniraa maoti e piti ravea: te pororaa e te haapiiraa i te tahi atu ma te tamoni ore e te horoaraa i te mau ô ma te aau tae.

Te pee nei ïa matou i ta te Bibilia e faaue ra i te mau Kerisetiano: “E horoa te taata atoa i ta ˈna i opua i roto i to ˈna aau; eiaha ma te nounou, e mai te mea e no te titau: o te taata horoa noa hoi ta te Atua e hinaaro.”—Korinetia 2, 9:7.