Te rave ra anei outou i te ohipa mitionare?

E. I te mau fenua atoa, te tutava nei te mau Ite no Iehova i te faaite i te huru feruriraa mitionare ma te faataa i to ratou faaroo i te taata.—Mataio 28:19, 20.

Te ratere aore ra te haere atoa nei vetahi mau Ite no Iehova i te mau tuhaa fenua i ǒ ratou i reira te taata e rave rahi e hinaaro ai e faaroo i te parau apî maitai o te Bibilia. Area te tahi atu, te haere nei ïa i te fenua ê no te tavini atu â. Te oaoa nei ratou i te apiti i te tupuraa o teie parau tohu a Iesu: “Ei ite hoi outou no ˈu . . . e tae noa ˈtu i te hopea o te fenua.”—Ohipa 1:8.

I 1943, ua haamau matou i te hoê haapiiraa taa ê no te faaineine i te tahi o ta matou mau mitionare. Mai reira mai, ua hau atu i te 8 000 Ite tei apiti i tera haapiiraa matauhia mai te Haapiiraa Bibilia no Gileada a te Watchtower.