Eaha te mau mea e pure ai tatou?

Te pahonoraa a te Bibilia

E nehenehe outou e pure no te mau mea atoa ta outou e hinaaro, ia tano râ te reira i te mau titauraa a te Atua mai tei papaihia i roto i te Bibilia: “Noa ˈtu eaha ta tatou e ani ia au i to [te Atua] hinaaro, e faaroo mai o ˈna.” (Ioane 1, 5:14) E nehenehe anei e pure no te mau fifi ta oe e faaruru nei? E. Te parau ra te Bibilia: “E ninii hua i to outou aau i mua [i te Atua].”—Salamo 62:8.

Te tahi mau hiˈoraa e pure ai outou

Te faaroo i te Atua.—Luka 17:5.
Te varua moˈa, oia hoi te puai ohipa o te Atua, no te tauturu ia outou ia rave i te mea maitai.—Luka 11:13.
Te puai no te faaruru i te mau fifi e no te patoi i te mau tamataraa.—Philipi 4:13.
Te hau o roto e te haapeapea ore.—Philipi 4:6, 7.
Te paari no te rave i te faaotiraa maitai.—Iakobo 1:5.
Te tauturu ia noaa mai te mau mea faufaa o te oraraa.—Mataio 6:11.
Te faaoreraa o te hara.—Mataio 6:12.