Aita te taata e tiaturi ra i te feia poritita: Eaha ta te Bibilia e parau ra?

I te matahiti 2024, ua maraa mai te numera o te mau maitiraa na te ao nei. Mea rahi râ, aita e tiaturi ra i te feia poritita.

• Te parau ra te taatoaraa o te feia no Marite tei uiuihia, “e manaˈo turai miimii to te rahiraa o te feia poritita” i te hinaaroraa e tauturu i te huiraatira.a—Pu maimiraa Pew, 19 no Tetepa 2023.

E rave rahi feia apî aita e tiaturi ra i te feia poritita.

• “Te haapeapea ra te feia apî i te mau fifi, te parau nei râ ratou aita te feia poritita e haapao nei i to ratou mau hinaaro.”—The New York Times, 29 no Tenuare 2024.

• “Ia au i te hoê titorotororaa, te tiaturi rahi nei te feia apî i te mau taata i nia ia YouTube i te feia poritita.”—The Korea Times, 22 no Tenuare 2024.

E nehenehe anei tatou e tiaturi i te feia poritita no te hoê a muri aˈe maitai aˈe? O vai ta tatou e tiaturi?

A haapao o vai ta outou e tiaturi

Mea maitai ia haapao te taata o vai ta ratou e tiaturi. Te parau ra te Bibilia: “E tiaturi te taata vare hanoa i te mau parau atoa, e haapao maitai râ te taata feruriraa haroˈaroˈa i to ˈna mau taahiraa tataitahi.”—Maseli 14:15.

• No te tauturu ia outou ia maiti eaha te mau haamaramaramaraa mea maitai aore ra aita, a taio i te tumu parau “A haapao maitai i te mau parau hape.”

E otia atoa to te feia poritita e haerea haavare ore e o te hinaaro ra e rave i te mea maitai. No reira te faaara ra te Bibilia:

• “Eiaha outou e tiaturi i te feia faatere; e i te taata nei o te ore e nehenehe e faaora.”—Salamo 146:3, Good News Translation.

Te hoê faatere ta outou e nehenehe e tiaturi

Te faataa ra te Bibilia, e ua maiti te Atua i te hoê faatere maitai roa ˈˈe o te nehenehe e tiaturihia: Iesu Mesia. (Luka 1:32, 33) O Iesu te Arii o te Faatereraa arii a te Atua i te raˈi.—Mataio 6:10.

• A haapii no te aha outou e nehenehe ai e tiaturi ia Iesu e eaha ta ˈna e rave no te faatitiaifaro i te mau fifi ta tatou e faaruru nei. A taio i te mau tumu parau “O vai te Arii o te Faatereraa arii a te Atua?” e “Eaha ta te Faatereraa arii a te Atua e rave?”