O vai te tia faatere ta outou e maiti? Eaha ta te Bibilia e parau ra?

E faaotiraa faufaa te titauhia i te taata ia rave, oia hoi, o vai te tia faatere ta ratou e maiti.

Eaha ta te Bibilia e parau ra?

Ua taotiahia te mana o te mau tia faatere

Te faataa ra te Bibilia e ua taotiahia te mana o te mau tia faatere atoa.

“Eiaha outou e tiaturi i te huiarii e i te tamaiti a te taata nei, o te ore e nehenehe e faaora. Ia mau to ˈna aho, e hoˈi oia i te repo. I tera mahana e moˈe ai to ˈna mau manaˈo.”—Salamo 146:3, 4.

E pohe atoa te tia faatere maitai. Hau atu, aita i papu e e faatere maitai atoa te mono ia ˈna.—Koheleta 2:18, 19.

Te faataa ra te Bibilia e aita roa ˈtu e haere i te taata ia faatere ia ratou iho.

“Aita e tiaraa to te taata e haere ra ia aratai i to ˈna mau taahiraa.”—Ieremia 10:23.

Te vai ra anei te hoê taata faatere maitai i teie mahana?

Te hoê tia faatere fariihia e te Atua

Te faataa ra te Bibilia e ua maiti te Atua i te hoê tia faatere maitai roa ˈˈe o te nehenehe e tiaturihia: Iesu Mesia. (Salamo 2:6) O ˈna te Arii o te Faatereraa arii a te Atua i te raˈi.—Mataio 6:10.

E maiti anei oe ia Iesu ei tia faatere? Te faaite ra te Bibilia no te aha mea faufaa teie faaotiraa:

“A faatura i te tamaiti [Iesu Mesia]. Ia ore, e riri te Atua e e pohe outou, mea vitiviti hoi to ˈna riri ia tupu. E oaoa te feia atoa e imi ra i te haapuraa i te Atua ra.”—Salamo 2:12.

A rave i te faaotiraa i teie nei â! Ia au i te mau parau tohu, ua haamata Iesu i te faatere i te matahiti 1914 e e fatata te mau faatereraa taata i te monohia e te Faatereraa arii a te Atua.—Daniela 2:44.

No te ite atu â no nia i ta tatou e nehenehe e rave no te turu ia Iesu ei tia faatere, a taio i te tumu parau “A turu i te Faatereraa arii a te Atua i teie nei â!”