Eita anaˈe oe e nehenehe e farerei i te taata

Te moˈemoˈe ra anei oe? Mai te peu e e, hoê â paha ïa manaˈo to oe e to te papai salamo tei parau: “E au vau i te hoê manu o ˈna anaˈe i nia i te hoê tapoˈi fare.” (Salamo 102:7) E nehenehe râ te mau aˈoraa Bibilia e tauturu ia oe.

• A faafatata ˈtu i te Atua

• A taio i te mau irava Bibilia tamahanahana

• A feruri i te mau ohipa ino e tupu ra na te ao

• Eiaha e haapeapea hanoa

• A tamau i te faahoa i te taata

• A tamau i te faahautiuti i te tino

A faafatata ˈtu i te Atua

Noa ˈtu eita e tia ia oe ia farerei tino roa i te taata, e nehenehe oe e oaoa ma te haapii no nia i te Atua. (Mataio 5:3, 6) E nehenehe teie mau ravea tamoni ore e tauturu ia oe:

• Hoê huriraa Bibilia papu e te ohie ia taio i nia i te natirara

• Te mau video poto no nia i te mau haapiiraa faufaa o te Bibilia

• Te tuhaa “Te pahono ra te Bibilia” o te horoa i te pahonoraa o te mau uiraa e ui-pinepine-hia e te taata

• Te faaoraora ra te tuhaa “A pee i to ratou faaroo” i te aamu o te mau tavini taiva ore a te Atua

• Te faaite ra te tuhaa “Mea poietehia anei?” i te nehenehe e te faahiahia o te mau mea i roto i te natura

A taio i te mau irava Bibilia tamahanahana

E rave rahi tei tamahanahanahia na roto i teie mau irava Bibilia. Ia faufaa-atoa-hia oe, eiaha e horo noa i roto i ta oe taioraa, a rave râ i te taime no te feruri maite i nia i te irava tataitahi e no te pure.—Mareko 1:35.

• Salamo 23:1-6

• Salamo 34:1-22

• Salamo 46:1-11

• Salamo 63:6-8

• Salamo 91:1-6

• Mataio 6:25-34

• Korinetia 2, 1:3, 4

• Philipi 4:6, 7

• Petero 1, 5:6, 7

A feruri i te mau ohipa ino e tupu ra na te ao

Mea ohie aˈe ia faaruru i te hoê fifi ua ite anaˈe oe no te aha te reira e tupu ai e e nafea te Atua ia faaore i te reira.—Isaia 65:17.

• No te aha te Atua e vaiiho noa ˈi te mauiui?

• Eaha ta te Bibilia e parau ra no nia i te mau maˈi pee?

• Eaha te tapao o “te mau mahana hopea”?

• Na taata faahoro puaarehenua, te auraa no tatou

• Fatata roa te ao apî!

Eiaha e haapeapea hanoa

Teie te tahi mau tumu parau o te tauturu ia oe ia “faaea i te haapeapea.”—Mataio 6:25.

• Te ahoaho: Ravea no te faaiti mai

• Te fifi: Te mau manaˈo haaparuparu

• E nafea ia rohirohi oe no te rahi o te ohipa?

• E nafea ia ore e haamâuˈa i te moni?

• Ia hepohepo roa ta oe tamahine

A tamau i te faahoa i te taata

E nehenehe te mau hoa e tauturu ia oe ia faatupu i te feruriraa maitai e ia oaoa. Mea faufaa roa ˈtu â te reira eita anaˈe oe e nehenehe e farerei tino roa i te taata. Mai te peu e faaea noa oe i te fare, e nehenehe paha ïa e faaohipa i te natirara e te niuniu no te ite mata anei aore ra no te paraparau i to oe mau hoa e no te haamatau i te hoa apî. Teie te tahi mau tumu parau o te tauturu ia oe ia faahoa i te taata e ia riro atoa ei “hoa mau” no vetahi ê.—Maseli 17:17.

• Eaha te hoa mau?

• E ite-atoa-hia te hoa i te mau vahi ta tatou i ore i manaˈo aˈe

• E nafea ia moˈemoˈe oe?

• Te mau maitai ia horoa noa

• Te mau maitai ia mauruuru noa

A tamau i te faahautiuti i te tino

Te parau ra iho â te Bibilia “e faufaa to te faaetaetaraa tino.” (Timoteo 1, 4:8) E tauturu te reira ia feruri maitai e ia oaoa, mai te peu iho â râ eita oe e nehenehe e farerei i te taata. Noa ˈtu e faaea noa oe i te fare, te vai ra te tahi mau ohipa ta oe e nehenehe e rave ia maitai noa to oe tino.

• A tamau i te faahautiuti i te tino

• Ravea ia maitai to outou ea