A faaineine i te mau pahonoraa faaitoito

I ta tatou mau putuputuraa, e nehenehe tatou e faaitoito i to tatou mau taeae e tuahine na roto i ta tatou mau pahonoraa. (Heb. 10:24, 25) E faaineine maitai ïa tatou i ta tatou mau pahonoraa. E nafea ïa?

• A pure ia Iehova. A ani ia Iehova te tauturu no te horoa i te pahonoraa o te arue ia ˈna e o te faaitoito ia vetahi ê.—Sal. 35:18.

• A faaineine maitai i ta oe pahonoraa. Ia pahono oe ma te faaohipa i ta oe iho mau parau, e faufaahia vetahi ê ia faaite oe i to oe faaroo ia Iehova.

• A haapoto noa. Pinepine o te mau pahonoraa poto noa te mea faaitoito roa ˈˈe. Mea rahi atoa ïa te taata te nehenehe e pahono.—Mas. 10:19.

• A pahono no te faaitoito. Eiaha e pahono no te aˈo, no te faaino i te amuiraa aore ra i te tahi hoa Kerisetiano.

Noa ˈtu aita i itehia mai to oe rima, e nehenehe noa oe e faaitoito ia vetahi ê. A faaroo maitai ïa ia ratou ia pahono e a haamauruuru atu.—Mas. 10:21.