A faaineine i to oe aau

Ia haapii tatou i te Bibilia, e vaiiho tatou i te mau manaˈo o Iehova ia ohipa i roto i to tatou aau. E hiˈoraa maitai roa Ezera no nia i te reira. Te parauhia ra: “Ua faaineine Ezera i to ˈna aau no te maimi i roto i te Ture a Iehova.” (Ezr. 7:10) E nafea tatou e faaineine ai i to tatou aau?

A pure. A haamata i te haapiiraa ma te pure. A ani ia Iehova ia tauturu ia oe ia taa e ia faaohipa i ta oe e haapii ra.—Sal. 119:18, 34.

A faatupu i te haehaa. E huna te Atua i te parau mau i te feia teoteo o te tiaturi i to ratou iho maramarama. (Luka 10:21) Eiaha e rave i te maimiraa no te faahua ia oe. Ma te haehaa, a faatano i to oe manaˈo i nia i to te Atua.

A faaroo i te hoê o ta tatou mau himene. E nehenehe te himene e haaputapû i to oe aau. Ma te faaroo i te hoê himene arueraa i te omuaraa o ta oe haapiiraa, e faaineine te reira i to oe aau no te haamoriraa.