Ia aravihi atu â i roto i te taviniraa: A haapii atu i te piahi ia faaineine i ta ˈna haapiiraa

NO TE AHA E MEA FAUFAA ˈI? Ia faaineine te piahi i ta ˈna haapiiraa, e taa ohie atu â ïa oia i ta tatou e haapii atu. E e haamanaˈo atu â oia i te reira. Oioi atu â ïa taua piahi ra i te haere i mua. Noa ˈtu ua bapetizohia oia, e titauhia ia faaineine oia i te mau putuputuraa e te pororaa no te vai “ara.” (Mt 25:13) No reira, e faufaahia oia i te roaraa o to ˈna oraraa a ite ai e nafea ia haapii mai e ia haamau i te hoê haapiiraa tamau e te maitai. Mai te omuaraa iho â, a tauturu i te piahi ia faariro i te faaineineraa o ta ˈna haapiiraa Bibilia ei peu matau na ˈna.

E NAFEA ÏA?

• 

  A horoa i te hiˈoraa maitai. (Ro 2:21) A faaineine i te haapiiraa taitahi ma te haamanaˈo i te mau hinaaro o te piahi. (km 11/15 api 3) Ia ite oia e ua renihia ta oe papai

• 

  A faaitoito ia ˈna ia faaineine i ta ˈna haapiiraa. Ia haamau-maitai-hia te haapiiraa, a faaite atu e tuhaa te faaineineraa o te haapiiraa Bibilia e a faataa ˈtu no te aha mea faufaa te reira. A horoa ˈtu i te mau manaˈo tauturu ia nehenehe oia e faataa i te taime no te faaineine ia ˈna. E horoa vetahi feia poro i ta ratou iho papai faaineinehia i te piahi i te roaraa o te hoê haapiiraa ia ite oia no te aha mea faufaa ia faaineine i te papai. A haapopou ia ˈna no te mea ua faaineine oia i ta ˈna haapiiraa

• A faaite ia ˈna e nafea ia faaineine i ta ˈna haapiiraa. I te taime iho â e haamata ˈi te piahi i te haapii mai i te Bibilia, e faataa vetahi feia poro i te hoê taime haapiiraa taatoa no te faaite i te piahi e nafea ia faaineine i ta ˈna haapiiraa