A imi i te hoê vahi mea au maitai no te haapii

E nehenehe oe e faufaahia i ta oe iho haapiiraa Bibilia. Teie te tahi mau manaˈo tauturu:

•  E vahi e tano. A imi i te hoê vahi mea mâ e mea marama ia ite maitai oe i ta oe e taio ra. E nehenehe oe e parahi i te hoê iri papairaa aore ra e haapii i rapaeau.

•  E vahi o oe anaˈe. I te hoê mahana, ua pure Iesu “i te aahiata . . . i te hoê vahi moˈemoˈe.” (Mar. 1:35) Mai te peu e taata to te fare i te taime i faaoti ai oe e haapii, a faaara ïa ia ratou. E vaiiho noa ïa ratou ia oe ia rave i ta oe haapiiraa.

•  A tiatonu i ta oe haapiiraa. E nehenehe oe e tâpû i te mau faaararaa i nia i ta oe vini aore ra matini afaifai ia ore ia pura mai te mau poroi. Ia manaˈo noa ˈtu oe i te tahi ohipa e titauhia ia rave oe, a tapao i te reira. Ia oti ïa ta oe haapiiraa e haapao ai oe i te reira. Ia haamata to feruriraa i te nevaneva, a tiatia ïa aore ra a hahaere rii.