E NAFEA IA HAAPAE ROA I TE RIRI?
1 | Eiaha e maitiiti i te taata
Te parau ra te Bibilia:
“E ore te Atua e maitiiti i te taata, i roto râ i te mau nunaa atoa, e farii oia i te taata o te mǎtaˈu ia ˈna e o te rave i te mea tia.”—OHIPA 10:34, 35.
Te auraa:
Aita te Atua ra o Iehovaa e haava ia tatou ia au i to tatou fenua, iri aore ra taere. E tiatonu râ o ˈna i nia i te mea faufaa roa ˈˈe, oia hoi to tatou mau manaˈo e hinaaro. Te parau atoa ra te Bibilia: “E hiˈo te taata i ta to ˈna mata e ite ra. E hiˈo râ Iehova i roto i te aau.”—Samuela 1, 16:7.
Te faaohiparaa:
Noa ˈtu aita tatou e nehenehe e ite eaha to roto i te aau o vetahi ê, e nehenehe tatou e tutava i te pee i te hiˈoraa o te Atua ma te ore e maitiiti i te taata. A tutava i te hiˈo i te taata ia au i to ratou iho huru, eiaha râ ia au i to ratou pǔpǔ. Ia ite outou e mea ê to outou huru i nia ia vetahi ê, no to ˈna paha fenua aore ra taere, a pure i te Atua e a ani atu ia tauturu ia outou ia faaea i te manaˈo mai tera. (Salamo 139:23, 24) Ma te aau tae, a ani ia Iehova i te puai hinaarohia no te ore e maitiiti i te taata. Papu maitai, e faaroo o ˈna i ta outou pure e e tauturu o ˈna ia outou.—Petero 1, 3:12.
a O Iehova te iˈoa o te Atua.—Salamo 83:18.
“Aita vau i parahi aˈenei ma te hau i pihai iho i te hoê taata uouo . . . I teie nei, e mero vau o te hoê pǔpǔ taata tahoê na te ao nei.”—TITUS