Ia ora oe e a muri noa ˈtu!

E mauhaa apî teie no te mau haapiiraa Bibilia. E ani tatou ia Iehova ia haamaitai mai i ta tatou mau tutavaraa no te faariro e rave rahi atu â taata ei pǐpǐ. (Mt 28:18-20; Ko1 3:6-9) E nafea ia faaohipa i teie mauhaa apî?

Teie te tereraa o te hoê haapiiraa Bibilia i roto i teie buka apî:a

• A taio i te paratarafa tataitahi e a tauaparau no nia i te mau uiraa ia faaite mai te piahi i to ˈna manaˈo

• A taio i te mau irava e titauhia ia “taio” e a tauturu i te piahi ia taa i te faufaaraa ia faaohipa i te reira i roto i to ˈna oraraa

• A pata i te mau video e a tauaparau ma te faaohipa i te mau uiraa i papaihia

• Ia haamata oe i te haapiiraa i nia i te hoê tumu parau apî, a rave faahope roa i te reira i tera iho â mahana

I roto i te pororaa, a pûpû na mua i te buka rairai. (A hiˈo i te tumu parau “E nafea ia pûpû i te buka rairai Ia ora oe e a muri noa ˈtu! i te farereiraa matamua.”) Ia anaanatae te taata i te haapiiraa e ia hinaaro o ˈna e ite atu â no nia i te pue parau mau Bibilia, a pûpû i te buka e a haamata i te haapiiraa 04. Mai te peu te faatere ra oe i te haapiiraa i roto i te buka Haapii mai, te buka Here mai te Atua aore ra i roto i te tahi atu mau papai, a rave ïa i teie nei i te haapiiraa i roto i te buka Ia ora oe e a muri noa ˈtu! e a hiˈo ihea e haamata ˈi i te haapiiraa.

A MATAITAI I TE VIDEO FARII-POPOU-HIA OE NO TA OE HAAPIIRAA BIBILIA E A PAHONO I TEIE MAU UIRAA:

• Eaha ta te mau piahi e haapii i roto i teie buka apî?

• No te aha e faaite ai i teie video i te mau piahi apî?

• Eaha te mau fa ta oe e faaitoito i te piahi ia haamau?—A hiˈo i te tapura “Te mau manaˈo tumu e te mau fa no te tuhaa tataitahi”