E putapû te aau maoti te haerea viivii ore e te tura rahi

Pinepine te mau tane faaipoipo i te farii i te parau mau maoti te haerea e au i te Mesia ta ta ratou mau vahine faaipoipo Kerisetiano e faatupu. E titauhia râ paha ia faaoromai e rave rahi matahiti. (Pe1 2:21-23; 3:1, 2) Mai te peu e te mauiui ra oe ma te tia ore, a tamau i te upootia i nia i te ino ma te hamani maitai atu. (Ro 12:21) Peneiaˈe eita ta oe tane e faaroo i ta oe e parau no nia ia Iehova, maoti râ to oe hiˈoraa maitai e taui ai paha oia i to ˈna manaˈo no nia i te parau mau.

A tamata i te feruri i te huru o to oe hoa faaipoipo. (Php 2:3, 4) Ia taa oe i to ˈna manaˈo e ia faaite oe i te aumauiui e tia ˈi. A rave i te maraa ia oe no te amo maitai i ta oe mau hopoia ei vahine faaipoipo. A horoa i te tariˈa faaroo. (Iak 1:19) A faaoromai e a faaite i to oe hoa faaipoipo e te here ra oe ia ˈna. Noa ˈtu eita roa ˈtu to oe hoa faaipoipo e faaite mai i te hoê â maitai e te hoê â tura mai ta oe e faaite atu, ia papu râ ia oe e mea au na Iehova to oe taiva-ore-raa.—Pe1 2:19, 20.

A MATAITAI NA I TE VIDEO E HOROA MAI IEHOVA I TE PUAI NO TE AMO I TA TATOU MAU HOPOIA, E A PAHONO NA I TO MURI NEI MAU UIRAA:

• Mai te aha te huru o te oraraa o Grace Li i te omuaraa o to ˈna faaipoiporaa?

• Eaha te mau pue parau mau Bibilia tei haaputapû i to ˈna aau?

• Mea nafea te tuahine Li i te haapaiumaraa i te mau fifi i muri aˈe i to ˈna bapetizoraa?

• Eaha ta te tuahine Li i ani ia Iehova i roto i te pure no nia i ta ˈna tane faaipoipo?

• Eaha te mau haamaitairaa ta te tuahine Li i fanaˈo no to ˈna haerea viivii ore e to ˈna tura rahi?