E hinaaro te Atua î i te here e haamaitai ia oe e a muri noa ˈtu

• Te hiaai ra anei oe i te hoê ao aita e tamaˈi e aita e haavîraa uˈana faahou?

• Te hiaai ra anei oe i te hoê ao aita faahou e maˈi, e mauiui e e pohe?

• Te hiaai ra anei oe ia ore e hepohepo faahou?

• Te hiaai ra anei oe e ora i te hoê vahi aita e tuinohia e te ati natura?

Ua fafau to tatou Atua î i te here, tei poiete i to tatou paraneta haviti mau, e e haamaitai oia i te huitaata na roto i te hoê oraraa hau e te oaoa e a muri noa ˈtu. E ere i te moemoeâ.

I roto i to muri nei mau tumu parau, e hiˈopoa mai tatou:

• Te here mau ra to tatou Atua poiete ia tatou

• Eaha ta te Bibilia e faaite ra ia tatou?

• Eaha ta te mau peropheta a te Atua i faaite no nia i te mau ohipa maitai ta ˈna e rave ra no tatou i teie nei â e no a muri aˈe?

• Eaha te rave ia oaoa tatou i teie nei â e no te fanaˈo i te mau haamaitairaa mure ore no ǒ mai i te Atua i te taime au?

Na mua roa, e hiˈopoa tatou i te mau haapapuraa e faaite ra e te here mau ra te Atua ia tatou.