E fanaˈoraa taa ê ta tatou ia patu e ia atuatu i te mau vahi o te haamoriraa mau

Ua titauhia e rave rahi tutavaraa e haamâuˈaraa no te patu i te hiero i Iseraela. Ua turu râ te mau ati Iseraela i te reira ma te itoito rahi. (Pa1 29:2-9; Pa2 6:7, 8) Ia oti te paturaa, ua faaite te atuaturaa i te hiero i te huru pae varua o te mau ati Iseraela. (Ar2 22:3-6; Pa2 28:24; 29:3) I teie mahana, e rave te mau Kerisetiano i te taime e i te mau tutavaraa no te patu, tamâ e atuatu i te mau Piha a te Basileia e te mau Piha tairururaa. A na reira ˈi, e ohipa ratou e o Iehova. E fanaˈoraa taa ê mau hoi te reira e e tuhaa atoa o ta tatou taviniraa moˈa.—Sal 127:1; Apo 7:15.

E APITI TATOU I TE REIRA MA TE . . .

• 

  Tamâ i te vahi i muri aˈe i te putuputuraa taitahi. Aita anaˈe râ oe e nehenehe e rave hau atu â, ia vai mâ noa te vahi i reira oe i parahi ai.

• 

  Tamâ e ma te atuatu tamau i te Piha a te Basileia. E vitiviti e e oaoa te ohipa ia rahi te rima tauturu.—lv 92-93 par. 18.

• 

  Turu atu i te pae moni. Noa ˈtu e e piti moni rii ta tatou e horoa ma to tatou aau atoa, e oaoa Iehova.—Mk 12:41-44.

• 

  Tauturu i roto i te paturaa e te faaapîraa i te mau piha o te faanahonahoraa, ia au i to tatou tupuraa. Aita e titauhia ia aravihi tatou i roto i te ohipa paturaa.