Ia aravihi atu â i roto i te taviniraa—Te pororaa i te mau vahi tapihooraa

No te aha e mea faufaa ˈi? E rave rahi taata o te ohipa nei e rave rahi hora. Ia ite ratou i te poroi o te Basileia, mea maitai aˈe ïa ia poro atu i to ratou vahi ohiparaa. Mea oaoa e mea maitai ia poro tatou i te mau vahi tapihooraa. E farerei iho â tatou i te taata e e faaite te mau rave ohipa i te peu maitai ia manaˈo ratou e ua haere mai paha tatou no te hoo mai i te tahi taoˈa. Ia nehenehe te feia poro e aravihi atu â, e mea tia ia ratou ia faatano i ta ratou parau e ia feruri maitai. Oia atoa ia faaite i te hiˈoraa maitai i roto i to ratou huru ahuraa aore ra huru faanehenehe. (Kor. 2, 6:3) No reira, mea titauhia ia haapao maitai te tiaau no te taviniraa afea e porohia ˈi i te mau vahi tapihooraa e o vai ma te na reira.