Ia aravihi atu â i roto i te taviniraa—A haamata i te hoê haapiiraa Bibilia i te uputa maoti te buka rairai Parau apî oaoa a te Atua
No te aha e mea faufaa ˈi? Ia riro te taata ei pǐpǐ, e mea tia ia tatou ia haapii atu i te Parau a te Atua. (Mat. 28:19, 20) E aravihi atu â tatou paatoa i roto i te haapiiraa i te parau mau ia vetahi ê maoti te mau ravea ta tatou i fanaˈo. Ua piahia te buka rairai Parau apî oaoa a te Atua no te tauturu ia tatou ia haapii i te parau mau i te taata. A faaohipa ïa i te reira no te haamata i te hoê haapiiraa Bibilia i te uputa i te farereiraa matamua.
Ta oe e rave i teie avaˈe:
A pure ia tupu mai te hinaaro no te faatere i te hoê haapiiraa. A taparu atoa ia Iehova ia tauturu mai no te haamata i te hoê haapiiraa Bibilia e no te riro ei taata haapii aravihi.—Phil. 2:13.
I te haamoriraa utuafare aore ra i ta oe iho haapiiraa, a rave i te taime no te tamau aau i te hohoˈa faaiteraa. I roto i te pororaa, e paraparau ïa oe ma te tiaturi papu e e haamata oe i te hoê haapiiraa Bibilia i te uputa.