A titau manihini roa ˈtu i te taata
1. Afea e haamata ˈi te opereraa i te mau titau-manihini-raa no te tairururaa e toru mahana?
1 Ia opua oe e faatupu i te tahi tamaaraa taa ê no to oe utuafare aore ra hoa, e titauhia te tutavaraa e te haamâuˈaraa rahi. E oaoa râ oe i te titau manihini ia ratou, e ere anei? Mea rahi atoa te faaineineraa te ravehia no te tamaaraa pae varua o ta tatou tairururaa e toru mahana i mua nei. E toru hebedoma hou te tairururaa, e fanaˈoraa taa ê ta tatou no ǒ mai ia Iehova ra: e titau manihini i te taata ia haere mai. Eaha te tauturu mai ia na reira ma te oaoa?
2. Eaha te turai ia tatou ia apiti rahi i te opereraa?
2 E feruri maite anaˈe i te mau haamaitairaa ta tatou iho e fanaˈo nei i te mau tairururaa faanahohia e Iehova. E turai te reira ia tatou ia apiti rahi i te opereraa. (Isa. 65:13, 14) Ia haamanaˈo atoa tatou e e faahopearaa maitai te itehia. (A hiˈo i te tumu parau tarenihia “Te mau faahopearaa maitai.”) E haere mai te tahi mau taata ta tatou i titau manihini i te tairururaa. Noa ˈtu râ ehia rahiraa taata te tae mai, e arue tatou ia Iehova maoti ta tatou mau tutavaraa i te roaraa o te opereraa e e pee tatou i to ˈna huru horoa noa.—Sal. 145:3, 7; Apo. 22:17.
3. E nafea te mau titau-manihini-raa e operehia ˈi?
3 E vaiihohia anei te mau titau-manihini-raa i te mau fare aita e taata? E operehia anei na te vahi taata i roto i te tuhaa fenua a te amuiraa? Na te tino matahiapo taitahi e faaoti i te reira. I te mau hopea hebedoma, a pûpû atoa i te mau vea ia nehenehe. Ia oti te opereraa, e oaoa tatou i te apitiraa i te reira ma te itoito e i te iteraa i te taata e rave rahi ia haere mai i te tamaaraa pae varua ta Iehova i horoa!