Te faaineine ra anei oe ia oe no te Oroa haamanaˈoraa?
Tei te 13 no Nisana o te matahiti 33 tatou. Ua ite Iesu e tera ta ˈna ahiahi hopea e to ˈna mau hoa piri roa ˈˈe hou a pohe ai oia. E faatupu oia i ta ˈna oroa Pasa hopea e o ratou. I muri iho, e haamau oia i te hoê oroa apî, te Amuraa maa ahiahi a te Fatu. E mea tia iho â ïa ia faaineine i tera tupuraa faufaa roa. Tono atura Iesu ia Petero raua Ioane no te rave i taua mau faaineineraa ra. (Luka 22:7-13) Mai reira mai e i te mau matahiti atoa, mea faufaa no te mau Kerisetiano o te hinaaro e faatupu i te Oroa haamanaˈoraa ia faaineine ia ratou no tera tupuraa. (Luka 22:19) Eaha te mau mea faufaa ta tatou e rave no te faaineine i te Oroa haamanaˈoraa te tupu i te 3 no Eperera i mua?
Ta te feia poro e rave:
A faanaho i ta oe porotarama no te apiti atu â i te titau-manihini-raa no te Oroa haamanaˈoraa.
A papai i te iˈoa o ta oe e titau manihini: piahi Bibilia, fetii, hoa haapiiraa, hoa ohipa e te vai ra ˈtu â. A titau manihini ia ratou.
A rave i te taioraa Bibilia no te Oroa haamanaˈoraa e a feruriruri i te reira.
A faaineine ia oe no te farii i te mau manihini i te Oroa haamanaˈoraa.