A faaineine ma te aau mauruuru no te Oroa haamanaˈoraa
1. E taime maitai te Oroa haamanaˈoraa no te aha?
1 E taime maitai te Oroa haamanaˈoraa e tupu i te Mahana piti 26 no Mati no te oaoa i ta te Atua i horoa no te faaora ia tatou. (Isa. 61:10) Hou râ te reira a tupu ai, e turai mai te hoê aau mauruuru ia faaineine maitai ia tatou. E nafea ïa?
2. No te aha tatou e rave ai i te mau faaineineraa no te Oroa haamanaˈoraa?
2 A faaineine: Mea faufaa e te ohie te Oroa haamanaˈoraa a te Fatu. Noa ˈtu râ, e titauhia ia faanaho oioi ia ore te mau tuhaa rii atoa e haamoehia. (Mas. 21:5) E maitihia te hora e te vahi e tano. E faaineinehia te pane e te uaina. E tamâ-atoa-hia te vahi putuputuraa ia naho te reira. E faaineine iho â te taeae orero ia ˈna e e faanaho-atoa-hia te mau taeae e faahaere i te pane, te uaina e tei farii i te taata. E ineine iho â te reira. No te mauruuru no te hoo e faaineine maitai ai tatou i teie oroa moˈa.—Pet. 1, 1:8, 9.
3. E nafea ia faaineine i to tatou aau no te Oroa haamanaˈoraa?
3 A faaineine i te aau: Mea faufaa iho â ia faaineine i to tatou aau no te taa i te auraa mau o te Oroa haamanaˈoraa. (Ezr. 7:10) No reira, e faaherehere tatou i te taime no te taioraa Bibilia taa ê no te Oroa haamanaˈoraa a feruriruri atu ai i to Iesu mau mahana hopea i te fenua nei. E itoitohia ïa tatou ia pee i to ˈna feruriraa haapae.—Gal. 2:20.
4. Te oaoa rahi ra oe no teihea maitai o te hoo?
4 Na te pohe o te Mesia e faatia i to Iehova mana arii e e faatiamâ ia tatou i te hara e te pohe. (Ioa. 1, 2:2) Tera te ravea e faafaite ai te taata i te Atua a fanaˈo atu ai i te ora mure ore. (Kol. 1:21, 22) Na te reira atoa e faaitoito mai ia ora ia au i ta tatou pûpûraa ia Iehova e ia tapea i to tatou taiva ore ei pǐpǐ na te Mesia. (Mat. 16:24) Ia rahi to oaoa a faaineine ai e a faatupu ai oe i te Oroa haamanaˈoraa!