A faaite i te parau mau no nia ia Iesu ma te itoito

E itoito atu â tatou ia ite tatou e nafea ia faaite ia vetahi ê i te parau mau no nia ia Iesu. Ua niuhia te faaroo mau i nia i te “tihi rahi,” oia hoi o Iesu. (Eph. 2:20) Maoti oia e fanaˈo ai tatou i te hoê tiaturiraa no te oraraa. (Ohi. 4:12) No reira, mea faufaa ia farii tatou pauroa i te tiaraa o Iesu i roto i ta Iehova opuaraa. E rave rahi tei haavarehia e te mau haapiiraa aita hoi i roto i te Bibilia. Te vahi peapea râ, eita ratou e fanaˈo i te mau haamaitairaa ta te Atua i fafau i te feia e faatupu ra i te faaroo ia Iesu. E turai to tatou itoito no te parau mau ia tauturu i te feia aau tae ia ite i te haapiiraa mau no nia ia Iesu, to ˈna mau taairaa e te Atua e ta ˈna hopoia i roto i ta Iehova opuaraa. I te tau o te Oroa haamanaˈoraa, e faaite anei oe i te parau mau no nia ia Iesu ma te itoito?