A faaohipa i ta tatou reni Internet i roto i te pororaa—“Uiraa a te taata”

I roto i te tuhaa “No nia ia matou” i nia jw.org, te vai ra te tumu parau “Uiraa a te taata.” Mai te peu e e taio pinepine tatou i te reira, ia ui te taata i te tahi uiraa, e nehenehe ïa tatou e aratai ia ˈna i nia i ta tatou reni Internet no te ite i te pahonoraa a te Bibilia. E nehenehe atoa tatou e faaohipa i tera tuhaa no te haamata i te hoê aparauraa i roto i te pororaa. E haamata paha tatou ma te maiti i te tahi uiraa tano no te taata o te tuhaa fenua. I muri iho, e ani tatou i to ˈna manaˈo e e faaite i ta te Bibilia e parau ra maoti te tatararaa e vai ra i nia jw.org. Ia oti anaˈe, e faataa aore ra faaite atu ihea tatou e ite ai i te pahonoraa. E nehenehe atoa tatou e vaiiho i te taata ia taio i te reira i nia i te reni Internet. No te vahine a te hoê tiaau ratere, e faahopearaa maitai ia parau e: “E rave rahi te ui nei, ‘O te Atua anei te tumu o te mauiui?’ E hinaaro anei oe e ite i te pahonoraa? E 51 noa tetoni i te maoro.” E pata oia i te taioraa haruharuhia e vai ra i nia i ta ˈna niuniu paraparau afaifai e e faaroo raua i te pahonoraa. I te pae hopea, e faaite atu oia i te pene 11 o te buka Bibilia haapii.