Ta tatou reni Internet haamanahia—A faaohipa ˈtu i roto i ta oe taviniraa
A faaitoito atu ia haere i nia i ta tatou reni: E anaanatae paha te feia e taiâ ra i te aparau mai aore ra i te farii i te papai ia haere i nia jw.org i to ratou fare. E nehenehe ïa ratou e imi i te mau haamaramaramaraa no nia i te mau Ite no Iehova. Ia tano, a faaite atu i te taata i ta tatou reni.
Pahonoraa i te mau uiraa: I te tahi taime, e ui mai te taata fare, tei anaanatae mai aore ra te feia ta tatou i matau no nia i te mau Ite no Iehova aore ra no nia i ta tatou mau tiaturiraa. A faaite atu ïa i te pahonoraa ma te faaohipa i te matini afaifai aore ra roro uira. Mea maitai aˈe râ ia taio roa ˈtu i te mau irava i roto i te Bibilia. Aita anaˈe, a faataa ˈtu e nafea o ˈna e ite ai i te pahonoraa i nia jw.org.—A pata i nia “Te Bibilia e outou/Uiraa Bibilia” (aita na roto i te reo Tahiti) aore ra “No nia ia matou/Uiraa a te taata.”
A hapono i te tahi tumu parau aore ra papai i te taata ta oe i matau: E nehenehe e tuu i roto i ta oe e-mail i te tahi papai ta oe i rave mai. Aore ra e rave mai i te taioraa haruharuhia o te tahi papai no te tuu atu i nia i te CD. Ia horoa oe i te taatoaraa o te tahi buka, buka rairai aore ra taioraa haruharuhia o te vea, a tapao atu ïa i roto i ta oe tapura taviniraa. Eiaha e hapono te tahi tumu parau e mea fifi no te taata ia taio aore faaroo. Eita atoa e tano ia hapono i te taata ta oe i ore i matau. Eiaha atoa e rave mai i te reira no te tuu atu i nia i te tahi atu reni Internet.—A pata i nia “Papai.”
A faaite atu i te mau parau apî hopea no nia i te mau Ite no Iehova: E tauturu te reira i te mau piahi Bibilia e vetahi ê ia haafaufaa ˈtu â i ta tatou ohipa na te ao e i to tatou auhoêraa Kerisetiano. (Sal. 133:1)—A pata i nia “Parau apî.” (Aita na roto i te reo Tahiti.)
[Hohoˈa faataahia i te api 5]
(Hiˈo i te papai)
A haere roa ˈtu i nia
1 I roto “Papai,” a maiti ma te pata ˈtu i nia i te papai ta oe e rave mai no te taio aore ra no te faaroo i te taioraa.
2 A pata i nia “MP3” ia faaitehia mai te tapura tumu parau o te papai. A maiti atu i ta oe e rave mai aore ra ▸ e faaroo.
3 Ia hinaaro oe e rave mai i te tahi papai reo ê, a maiti atu i tera reo i roto i te tapura.