“Era faahou â: eita e taata!”

Ua parau ê na anei oe i te reira no te hoê taata tei anaanatae i te Bibilia? Noa ˈtu e e tamau noa oe i te hoˈi faahou e farerei ia ˈna, e mea fifi no oe ia pipi i te huero o te parau mau. (Kor. 1, 3:6) I te tahi taime, e papai te feia poro aravihi i te hoê rata i te taata ta ratou i ore i ite i te fare aore ra te tahi poroi ta ratou e vaiiho i te hoê vahi tano maitai. Ua feruri ê na te tahi atu feia poro i teie fifi e ua ani ratou i ta te taata numera niuniu, peneiaˈe ma te parau e, “E papai anei oe i te poroi vini?” E nehenehe e tapao hoê hoˈi-faahou-raa i nia i te tapura ia farerei faahou oe i te taata aore ra ia poro atu maoti te rata, te e-mail, te poroi vini e te niuniu paraparau. Oia atoa maoti te tahi poroi vaiihohia i te hoê vahi tano maitai. Noa ˈtu eita te taata e ite-pinepine-hia i te fare, e nehenehe iho â tatou e tauturu ia ˈna ia anaanatae atu â i te parau mau.