“E aroha ˈtu i te hui taeae”

Ua papaihia teie mau parau a 2 000 matahiti aˈenei. (Pet. 1, 2:17) E titauhia râ ia tutava ˈtu â i te na reira! E nafea tatou e here ai i te fetii taeae i te mea e ua purara ratou na te ao nei? E i roto i teie ao ua iti te here, ia aha tatou ia puai noâ tera here? (Mat. 24:12) Ia oti ta oe mataitairaa i te DVD Toute la communauté des frères, a pahono i teie mau uiraa.

(1) Inafea tatou i te riroraa mai ei melo o te fetii taeae i te ao nei? (2) Mai to tatou fetii taeae i te ao nei, eaha na ohipa e toru ta tatou e rave nei? (3) E nafea to tatou mau taeae e faaite ai i ta ratou faaotiraa papu e poro? (a) i te mau tuhaa fenua ano i Alaska, (b) i te mau uahu i Europa hitia o te râ, e (c) i roto i te mau ururaau i Peru? (4) No te aha e ohipa taa ê roa ˈi te pororaa no tatou? (5) A horoa i te mau hiˈoraa o te faaite ra e mea nafea te mau Ite no Iehova i te tamahanahanaraa e tautururaa te tahi i te tahi (a) i muri aˈe i te aueueraa fenua, (b) i muri aˈe i te hoê mataˈi rorofai, (c) ia tupu te tamaˈi tivira? (6) E nafea ia here mau i to tatou fetii taeae Kerisetiano? (Ioane 13:35) (7) Eaha te mau haamaitairaa ia ohipa amui no te patu i ta tatou mau Piha a te Basileia? (8) A opanihia ˈi te pororaa, mea nafea to tatou mau taeae o Europa hitia o te râ e Rusia i te itoito-noa-raa? (9) Eaha te mau tutavaraa rahi ta te mau Ite no Iehova e rave no te haere i te mau tairururaa, e no te aha? (10) Mea nafea teie DVD i faaitoito ai ia oe (a) ia haamori ia Iehova ma te auhoê e to oe mau taeae i te mau putuputuraa, (b) ia tauturu ia vetahi ê (c) ia poro ma te taiva ore i te mau taime e ma te mau ravea atoa? (11) E nafea e e afea ia faaohipa i teie DVD i roto i te taviniraa?

No to tatou here ia Iehova i riro ai tatou ei melo o te fetii taeae Kerisetiano. Te au nei tatou i te haapii ia tatou iho e ia vetahi ê no nia ia ˈna. E te here nei tatou i te mau taata ta Iehova e here ra. Ia tauturu tatou ia ratou i te mau taime e hinaarohia, aita tatou e tiai ra ia haamauruuru mai Iehova. Na tatou râ e na reira i te mea e e ô faufaa mau te fetii taeae no ǒ mai ia ˈna ra. A piri roa mai ai te hopea o teie nei ao aroha ore, e tamau anaˈe ïa i te faaite i te here i nia i to tatou fetii taeae i te ao nei!