E 12 tumu e poro ai tatou

No te aha tatou e poro ai e e haapii ai i te evanelia? No te tauturu na mua anei i te feia aau haavare ore ia haere na te eˈa e tae atu ai i te ora? (Mat. 7:14) O te tumu matamua paha tera i roto i te tapura i muri nei, e ere râ i te mea faufaa roa ˈˈe. E 12 tumu e poro ai tatou. Teihea te mea faufaa roa ˈˈe no oe?

1. E faaora i te taata.—Ioa. 17:3.

2. E faaara i te feia ino.—Ezk. 3:18, 19.

3. E paturu i te tupuraa o te mau parau tohu.—Mat. 24:14.

4. E faaite i to te Atua parau-tia. Eita ˈtura e nehenehe e faahapa ia Iehova no to ˈna haamouraa i te taata ino ma te ore e tauturu ia ratou ia tatarahapa.—Ohi. 17:30, 31; Tim. 1, 2:3, 4.

5. E hopoia na tatou ia tauturu i te taata i te pae varua, ua hoohia hoi tatou e te toto o Iesu.—Roma 1:14, 15.

6. E tauturu ia ape i te hara toto.—Ohi. 20:26, 27.

7. E titauraa ia ora ˈtu tatou.—Ezk. 3:19; Roma 10:9, 10.

8. E faaite i te here i te taata-tupu.—Mat. 22:39.

9. E faaite i to tatou auraro ia Iehova e ta ˈna Tamaiti.—Mat. 28:19, 20.

10. E tuhaa o ta tatou haamoriraa.—Heb. 13:15.

11. E faaite i to tatou here i te Atua.—Ioa. 1, 5:3.

12. E paturu ia raa to Iehova iˈoa.—Isa. 43:10-12; Mat. 6:9.

E ere iho â ïa no tera noa mau tumu tatou e poro ai. Ei hiˈoraa, e haapuai te pororaa i to tatou faaroo e e riro tatou ei hoa rave ohipa no te Atua. (Kor. 1, 3:9) Te tumu faufaa roa ˈˈe râ, o te numera 12 ïa. Ia faaroo mai te taata aore ra aita, ia poro tatou e raa to te Atua iˈoa e e ravea te reira no te pahono i tei faaino mai ia ˈna. (Mas. 27:11) No te mau tumu maitatai roa ïa tatou e haapii ai i te taata e e poro tamau ai i te evanelia.—Ohi. 5:42.