E piti moni rii

Te hoê ravea e turu ai tatou i te mau faufaa a te Basileia, o te horoaraa ïa i te moni no te turu i te pororaa na te ao nei. E aita anaˈe i rahi te moni, e nafea ïa?

I te hoê taime, ua ite Iesu i te hoê vahine ivi veve i te tuuraa e piti lepeta i roto i te pueraa taoˈa o te hiero. No to ˈna hoi here ia Iehova i ‘hope roa ˈi a ˈna taoˈa rii navai ore i te tuuhia e ana i roto.’ (Mar. 12:41-44) A faahiti ai Iesu i te reira, ua faaite oia e mea faufaa roa ta teie vahine ivi i horoa i te aro o te Atua. I te senekele matamua atoa, aita te mau Kerisetiano i manaˈo e no te mau Kerisetiano taoˈa rahi anaˈe te fanaˈoraa taa ê e turu i te taviniraa maoti te mau ô moni. Ua faahiti te aposetolo Paulo i te hiˈoraa o te mau Kerisetiano no Makedonia tei horoa noa ma te aau tae i ta ratou taoˈa noa ˈtu to ratou veve rahi.—Kor. 2, 8:1-4.

No reira, ia horoa tatou ‘e piti moni rii’ noa, e haamanaˈo anaˈe e ua amui-anaˈe-hia te mau ô rii, e moni rahi ïa te noaa mai. E faaoaoa ta tatou e horoa ra ma te aau tae i to tatou Metua horoa noa i te raˈi, ‘te Atua hoi o te au i te taata horoa noa.’—Kor. 2, 9:7.