Ia hinaaro oioi noa ˈtu oe i te papai reo ê

I te tahi taime, e farerei tatou i te mau taata mea au aˈe na ratou ia taio i ta tatou mau papai na roto i te tahi reo aita hoi ta ta tatou amuiraa. Mai te peu e e Internet ta oe, e nehenehe oe e pia i te papai na roto fatata e 400 reo. A rave mai teie:

• A haere i nia i te afata poroi Web: www.watchtower.org.

• I te pae aui o te api e fa mai, te vai ra te hoê tapura o te tahi mau reo. A pata i nia i te hohoˈa o te paraneta no te ite i te tapura o te mau reo atoa.

• A pata i nia i te reo ta oe e hinaaro. E fa mai te hoê api e faaite i te papai ta oe e nehenehe e pia, mai te mau api parau, buka rairai, e tumu parau. Eiaha oe e huru ê, ua papaihia te mau upoo parau na roto i te reo ta oe i maiti.

• A pata i nia i te hoê tumu parau. E fa mai te papai ta oe e nehenehe e pia ma te pata i nia i te hohoˈa o te matini piaraa i nia ˈˈe i te api.

O te tahi noa mau papai tei nia i ta tatou afata poroi Web. E noaa mai te tahi atu na roto i te amuiraa. Ia anaanatae mau te taata, e mea maitai aˈe ia ani atu i te papai i te taeae haapao buka.