Te “maa i te hora mau”
1. Ua tauturu te tairururaa mahana taa ê ia outou e ia vetahi ê ia aha?
1 “Tano maitai iho â!” Tera te faaroo-pinepine-hia ia oti te tairururaa mahana taa ê. Ia au i te hoê tiaau haaati, ua faaite atoa ˈtu vetahi mau taeae e tuahine i to ratou hinaaro e tavini hau atu â. Ua parau te hoê tiaau ratere: “Ua tauturu mai te reira ia feruri maitai e teihea roa tatou i roto te tau e ia hiˈo faahou i ta tatou mau maitiraa.” Ua na ô te tahi atu: “Ua faaite mai te tahi feia poro e e haamanaˈoraa papu te reira e o te taviniraa te mea faufaa roa ˈˈe no ratou.” Ua tauturu te tairururaa mahana taa ê ia outou ia aha?
2. Eaha te hiˈopoahia i te tairururaa o te matahiti taviniraa i mua nei?
2 E tano maitai atoa iho â te tairururaa o te matahiti taviniraa i mua nei. No roto mai te manaˈo tumu ‘E tiaturi ia Iehova’ i te Salamo 118:8, 9. Teie te tahi mau tumu parau e hohorahia: “E riro Iehova ei etaeta no tatou i te anotau ahoaho,” “A tauturu ia vetahi ê ia imi i te haapuraa ia Iehova ra,” “A pee ia Iehova ma te riro ei haapuraa,” “E te feia apî, a tiaturi ia Iehova!” e “To tatou paradaiso pae varua: te haapuraa ta Iehova i faanaho.”
3. E nafea tatou e faufaa-roa-hia ˈi i te tairururaa?
3 E nafea ia faufaahia? Ia faaitehia te taio mahana, a faanaho maite no te tae atu e a titau manihini i ta outou mau piahi Bibilia. No te ‘faahotu i te huero’ ma te faaoromai, e titauhia ia haamanaˈo tatou i ta tatou i faaroo. (Luka 8:15) A faaroo maite atu ïa, e a tapaopao i te mau manaˈo faufaa e faaueraa ta outou e opua i te faaohipa i roto i to outou oraraa e ta outou taviniraa. Ia oti te tairururaa, a tauaparau e to outou utuafare no nia i te porotarama e a hiˈopoa e nafea outou e to outou utuafare e faaohipa ˈi i te reira.
4. No te aha e tiai ru ai i ta tatou tairururaa mahana taa ê i mua nei?
4 Mai te hoê maa aminamina e te maitai, ua faaineinehia te tairururaa mahana taa ê i mua nei ma te here e te haapao maitai rahi. Ia haamaitai Iehova i ta outou mau tutavaraa no te tae atu e no te fanaˈo i teie “maa i te hora mau” o te atuatu i te faaroo o te mau tavini a te Atua.—Mataio 24:45.