Ei tauturu oe no to oe hoa pororaa
1. Eaha te mau maitai ia poro tatoopiti?
1 I te tahi taime, ua “tatoopiti” Iesu i te tonoraa ˈtu e 70 pǐpǐ no te poro. (Luka 10:1) Ua tauturu e ua faaitoito mau te reira ia ratou a poro ai. E nafea ia riro ei tauturu ia poro tatou e te tahi atu taata?
2. E nafea e no te aha ia faaroo i te faaiteraa a to oe hoa pororaa?
2 Ma te faaroo: Ia horoa to oe hoa pororaa i ta ˈna faaiteraa, a faaroo maitai atu. (Iak. 1:19) Ia taiohia te hoê irava, a pee i te taioraa i roto i ta oe Bibilia. A hiˈo o vai te paraparau ra, to oe hoa anei aore ra te fatu fare. Ia apo maitai oe i tei parauhia ra, e na reira atoa te taata.
3. Afea to tatou hoa pororaa e hinaaro ai paha ia paraparau tatou?
3 Ma te haroaroa afea ia paraparau: Ia horoa to tatou hoa pororaa i ta ˈna faaiteraa, e faatura tatou ia ˈna ma te vaiiho ia ˈna ia paraparau. (Roma 12:10) Eiaha tatou ia tâpûpû i te parau. Ia moe ia ˈna i ta ˈna e hinaaro ra e parau aore ra ia hinaaro oia i te tauturu no te pahono i te hoê patoiraa aore ra uiraa a te fatu fare, eiaha tatou e taui i te tumu parau. E tutava râ tatou i te turu i ta ˈna mau parau. (Mas. 16:23; Koh. 3:1, 7) Ia haapapu ta tatou mau parau i te faaiteraa e horoahia ra.—Kor. 1, 14:8.
4. E nafea tatou e oaoa ˈi e e manuïa ˈi i roto i te taviniraa?
4 I to te mau pǐpǐ e 70 tei ohipa tatoopiti faaotiraa i ta ratou pororaa, ‘ua hoˈi atu ratou ma te oaoa.’ (Luka 10:17) E oaoa e e manuïa atoa tatou i roto i te taviniraa, ia faaroo e ia haroaroa tatou afea ia paraparau ia tauturu tatou i to tatou hoa pororaa.