Eiaha e haamâuˈa i ta tatou mau papai
1. E nafea tatou e pee ai i to Iesu mauruuru no ta Iehova mau faanahoraa?
1 I muri aˈe i to Iesu faatamaa-semeio-raa i te hoê nahoa rahi, ua haaputu oia i te toea maa ia ore ia mâuˈa. (Mat. 14:19-21) I to ˈna na reiraraa no ta Iehova mau faanahoraa, ua vaiiho mai Iesu i te hoê hiˈoraa maitai no tatou ia “mauruuru roa” tatou ma te faaohipa maitai i te mau mea atoa ta Iehova e horoa maira na roto i “te tavini haapao maitai.”—Kol. 3:15; Luka 12:42; Mat. 24:45-47.
2. E nafea tatou ia ore ta tatou vea ia rahi roa?
2 Vea: E nehenehe te vea e pue ohie noa. Mai te peu e e pinepine te reira i te toe mai, e mea tano ïa ia faaiti mai i te rahiraa vea ta tatou e ani. E no te mau vea tahito? E mea faufaa noâ noa ˈtu e e mea tahito. Ia rahi roa, e nehenehe te tiaau no te taviniraa aore ra te tahi atu matahiapo e tauturu ia tatou ia imi i te ravea au no te opere i te reira.
3, 4. Eaha ta oe e haamanaˈo ia ani oe i te mau papai i te Piha a te Basileia?
3 Te tahi atu mau papai: Ia taui te papai e pûpû, a hiˈo na mua e aita anei te reira i ǒ oe hou a ani atu ai i te mea apî i te Piha a te Basileia. A ani noa i tei hinaarohia no te hebedoma, e ia pau, a tii faahou atu i te vahi haapaoraa buka.
4 Hoê â atoa no te mau buka ta tatou iho e faaohipa, a ani noa i ta oe e hinaaro mau. A papai i to oe iˈoa i te vahi faataahia. Ia moe noa ˈtu ta oe buka, e nehenehe ïa e faahoˈihia mai. Mai te peu e te faaohipa ra oe i te CD-ROM Watchtower Library e ua faaherehere oe i ta oe iho mau vea, eita paha ïa oe e hinaaro e ani i te mau buka tahoêhia o Te Pare Tiairaa e te Réveillez-vous!
5. E mea tia ia haamanaˈo tatou i te aha a vaiiho ai tatou i ta tatou mau papai?
5 Opereraa i te mau papai: E tutava tatou i te vaiiho i ta tatou mau papai i te feia noa e anaanatae mau ra. A haamanaˈo e na tatou na mua te hopoia e aufau i te haamâuˈaraa o taua mau mauhaa faufaa ra. A vaiihohia ˈi te hoê papai i te feia tei anaanatae, a parau roa ˈtu ia ratou e e nehenehe ta ratou e turu i te ohipa na te ao nei i ta ratou mau ô.
6. No te aha tatou e haafaufaa roa ˈi i ta tatou mau papai, e e nafea tatou e te reira?
6 Ua horoa semeio Iesu i te maa pae tino na vetahi ê, ua pinepine atu â râ oia i te faatamaa i te taata i te pae varua. Ua parau Iesu e: “E ore te taata e ora i te maa anaˈe ra, i te mau mea atoa râ i haapaohia e te Atua.” (Mat. 4:4) Te haapii ra ta tatou mau papai i te pue parau mau faufaa roa a te Bibilia ia noaa te ora mure ore. (Ioa. 17:3) E mea faufaa roa te reira, eiaha ïa e haamâuˈa!