Putuputuraa no te taviniraa

Hebedoma o te 8 no Tetepa

Himene 204

10 mn: Parau faaara. A ani i te feia e faaroo ra ia faataa mai eaha te mau tumu parau ta te taata o te tuhaa fenua e anaanatae rahi aˈe. A ani ia ratou ia faataa mai eaha te mau uiraa e irava ta ratou i faaohipa no te omua i te mau tumu parau. A faaite e nafea ia pûpû atu i na vea taitahi.

15 mn: A tauturu i te mau piahi Bibilia ia riro mai ei orometua haapii. Oreroraa parau i nia i Te Pare Tiairaa o te 1 no Fepuare 2007, api 16-7, paratarafa 14-20. A rave atoa i te hoê faahiˈoraa poto o te hoê taata poro e faaite ra i te tereraa o te oreroraa parau no te taatoaraa e o te Haapiiraa o Te Pare Tiairaa i te hoê piahi Bibilia apî e e titau manihini ra ia ˈna ia haere mai.

20 mn: Faarururaa i te manaˈo oti noa i roto i ta tatou taviniraa. Oreroraa parau na te hoê matahiapo, niuhia i nia i te mau papai i neneihia e nafea te manaˈo oti noa e ohipa ˈi i nia i ta tatou taviniraa. A faataa e nafea e nehenehe ai e tinai i tera huru manaˈo oti noa. I te tahi taime, e nehenehe to tatou iho haerea, i roto i te taviniraa e i roto atoa i ta tatou mau ohipa o te oraraa, e tinai rahi i te manaˈo oti noa o te mau taata e mataitai maira e e tauturu ia ratou ia farii i te parau mau. E mea faufaa ïa ia haapao maitai i ta tatou huru paraparau e haerea i te mau taime atoa. (Pet. 1, 2:12; 3:1, 2) A faatia i te tahi tupuraa maitihia no ǒ nei aore ra neneihia o te faaite e nafea e nehenehe ai e tinai i te manaˈo oti noa.

Himene 127

Hebedoma o te 15 no Tetepa

Himene 94

10 mn: Parau faaara. Parau faaite e tano o Ta tatou taviniraa i te Basileia.

20 mn: Eaha ta tatou i rave i te matahiti i mairi? Oreroraa parau e aparauraa e te feia e faaroo ra vauvauhia e te tiaau no te taviniraa aore ra te tahi atu matahiapo aravihi. A haamanaˈo i te ohipa i ravehia e te amuiraa i roto i te taviniraa i te roaraa o te matahiti taviniraa i mairi, ma te haamataratara i te ohipa maitai i ravehia. A haapopou atu ma te tano. A ani oioi hoê aore ra e piti taata poro ia faatia mai i te tahi mau tupuraa faahiahia ta raua i fanaˈo. A faahiti hoê aore ra e piti tuhaa ta te amuiraa e nehenehe e ohipa ˈtu â i te roaraa o te matahiti e haere mai nei, e a hiˈopoa i te mau manaˈo tauturu no te haamaitai atu â.

15 mn: E nafea vau e nehenehe ai e paruru i to ˈu tiaturiraa i te poieteraa? Oreroraa parau niuhia i nia i te mau papai i neneihia. A ani i te feia i putuputu mai ia tatara mea nafea to ratou parururaa i to ratou tiaturiraa i te poieteraa a haere ai ratou i te fare haapiiraa, i te ohipa, aore ra i te tahi atu vahi. E nehenehe e ani oioi hoê aore ra e piti faataaraa.

Himene 51

Hebedoma o te 22 no Tetepa

Himene 104

10 mn: Parau faaara. A taio i te tapura faufaa moni e te mau haamauruururaa no te mau ô. A aparau i nia i te rata a te amaa, e vai ra i te api 1.

20 mn: E haamaitaihia ta oe mau ohipa. Oreroraa parau i nia i te Tour de Garde o te 15 no Eperera 2005, mai te api 28, paratarafa 6, i te hopea o te api 29. A uiui poto atoa hoê aore ra e piti taata poro itoito rahi e mea nafea Iehova i te tautururaa ia raua i te pae materia aore ra i te tururaa ˈtu i te pae aau.

15 mn: Pahonoraa i ta outou mau uiraa. Aparauraa e te feia e faaroo ra. A faahiti atoa i te tahi manaˈo o Te Pare Tiairaa o te 1 no Tiurai 2005, api 10-2, paratarafa 10-6.

Himene 190

Hebedoma o te 29 no Tetepa

Himene 45

10 mn: Parau faaara. A haamanaˈo i te feia poro ia faahoˈi mai i ta ratou tapura taviniraa no Tetepa. A ani oioi hoê aore ra e piti taata poro ia faatia i te mau tupuraa faaitoito i orahia a horoa ai raua i te faaiteraa ma te faanaho-ore-hia i te tairururaa mataeinaa, i te tau faafaaearaa, aore ra i te tahi atu mau huru tupuraa i Tiurai e Atete.

15 mn: Hinaaro o te amuiraa.

20 mn: “Opereraa api parau taa ê: 20 no Atopa–16 no Novema!”a Mai te peu e te vai ra te mau api parau, a opere atu i te tahi na te taatoaraa o te feia i putuputu mai. A haamanaˈo poto i te mau tumu parau i roto i te api parau a hiˈopoahia ˈi te paratarafa 2. Ia hiˈopoahia te paratarafa 4, a faaite e nafea ia pûpû atu i te reira. E i te paratarafa 5, a rave i te hoê faahiˈoraa o te faaite i te hoê taata poro e faaohipa ra i te api parau no te haamata i te hoê haapiiraa bibilia a hoˈi faahou ai oia e hiˈo i te hoê taata.

Himene 9

Hebedoma o te 6 no Atopa

Himene 15

10 mn: Parau faaara.

15 mn: A faaineine i te pûpû i Te Pare Tiairaa o te 1 no Novema (wp08 1/10-F) e te Réveillez-vous! no Atopa. A horoa i te hoê faaiteraa poto o te mau vea, e a ani i te feia e faaroo ra eaha te mau tumu parau ta te taata o te tuhaa fenua e anaanatae rahi aˈe. Eaha te mau uiraa e irava e nehenehe e faaohipa no te omua i te mau tumu parau? A rave i te hoê faahiˈoraa e nafea ia faaohipa i te hoê hohoˈa faaiteraa o Ta tatou taviniraa i te Basileia. Faahiˈoraa: e rave hoê o na matahiapo i te hoê faaiteraa poto ta ˈna i faaineine i nia i te hoê tumu parau tano i te tuhaa fenua.

20 mn: “A haapii ia vetahi ê ia here ia Iehova.”b Ia taimehia, a ani i te feia e faaroo ra ia tatara i te mau irava i faahitihia.

Himene 132

[Nota i raro i te api]