Parau faaite

◼ Papai e pûpûhia i Tetepa: Eaha ta te Bibilia e haapii mau ra? A tutava taa ê i te haamata i te mau haapiiraa bibilia i te farereiraa matamua. Mai te peu e te vai ra ta te taata teie buka, a faaite atu e nafea ratou e faufaahia ˈi i te reira ma te faataa poto i te tereraa o te hoê haapiiraa bibilia. Mai te 1 e tae atu i te 19 no Atopa: Te Pare Tiairaa e te Réveillez-vous! Ia faaite te taata i te anaanatae, a pûpû atu i te api parau E hinaaro anei outou e ite hau atu â no nia i te Bibilia? ma te fa e haamata i te hoê haapiiraa bibilia. Mai te 20 no Atopa e tae atu i te 16 no Novema: Opereraa taa ê o te api parau E hinaaro anei oe e ite i te parau mau? Mai te 17 e tae atu i te 30 no Novema: Eaha ta te Bibilia e haapii mau ra? A tutava taa ê i te haamata i te mau haapiiraa bibilia. Titema: Te taata rahi roa ˈˈe i ora aˈenei. I te taata e tamarii ta ratou, a pûpû atu i te buka Ta ˈu Buka Aamu Bibilia.

◼ I te mea e e pae hopea hebedoma taatoa to Novema, e avaˈe maitai roa ïa no te rave i te taviniraa pionie tauturu.

◼ E vauvauhia te oreroraa parau taa ê no te taatoaraa no te tau o te Oroa haamanaˈoraa 2009 i te hebedoma o te 20 no Eperera 2009. E faaitehia ˈtu te manaˈo tumu i muri aˈe. E faaroo te mau amuiraa e terehia ˈtu e te tiaau haaati aore ra e tairururaa ta ratou i taua hebedoma ra i te oreroraa parau taa ê i te hebedoma i muri iho. Eiaha te tahi noa ˈˈe amuiraa e vauvau i tera oreroraa parau na mua ˈˈe i te hebedoma o te 20 no Eperera.

◼ E mea tia ia haamata te mau amuiraa i te ani i teie nei i te mau buka tahoêhia 2008 o te Tour de Garde e te Réveillez-vous! e te CD-ROM Watchtower Library—Édition 2008. E tuuhia ˈtu te tapura o te mau reo o tera mau mea i roto i te “Avis aux congrégations” haponohia i te mau avaˈe atoa. A tapao na e no te mau melo bapetizohia e bapetizo-ore-hia o te amuiraa te Watchtower Library—Édition 2008 e e nehenehe e fanaˈohia na roto noa i te amuiraa. E mea maitai ia hiˈopoa te feia poro e faaohipa rahi ra i te Watchtower Library, aita râ e faaohipa faahou ra i te mau buka tahoêhia, mai te peu e te hinaaro noâ ra ratou e ani i taua mau buka ra.

◼ E titauhia ia hiˈopoa te hoê taeae ta te tiaau peretiteni i maiti i te tapura faufaa moni a te amuiraa no te mau avaˈe Tiunu, Tiurai, e Atete. Ia oti taua hiˈopoaraa ra, e faaarahia ˈtu te amuiraa i muri iho i te taioraa o te tapura faufaa moni i muri aˈe i taua hiˈopoaraa ra.—A hiˈo i te api parau Instructions pour la comptabilité des congrégations (S-27).

◼ Te haamanaˈohia ra te mau taurearea atoa, tane aore ra vahine, tiaraa Farani, ia haere e tapao i to ratou iˈoa i te fare oire o to ratou vahi nohoraa i te avaˈe e tia ˈi to ratou 16 matahiti. E mea tia ia na reira oioi te mau taurearea Kerisetiano no ratou teie parau, ma te hiˈo i te reira mai te hoê titauraa Kerisetiano faatura i te feia mana toroa.