Putuputuraa no te taviniraa

Hebedoma o te 11 no Atete

Himene 63

10 mn: Parau faaara. A ani i te feia e faaroo ra ia faataa mai eaha te mau tumu parau ta ratou i ite e mea anaanatae na te taata o te tuhaa fenua. A ani i te feia i putuputu mai ia faahiti i te mau manaˈo taa maitai i roto i te mau tumu parau ta ratou e opua ra e haamataratara. Eaha te uiraa e nehenehe e tuu no te haamata i te hoê tauaparauraa? Eaha te irava o te tumu parau e nehenehe e taio? A faanaho i te tahi faahiˈoraa o te faaite e nafea e nehenehe ai e faaohipa i te mau manaˈo tauturu.

15 mn: A rave i te hinaaro o te Atua—ma te peapea ore. Oreroraa parau i nia i te buka ‘A haere mai a pee mai ai ia ˈu,’ api 91-4, paratarafa 12-3.

20 mn: “Te faaohipa ra anei oe i te mau tuhaa atoa?”a A uiui i te hoê taata poro o tei faaohipa, i roto i te hoê tupuraa, hoê o te mau tuhaa apî o te neneiraa na te taatoaraa o te Tour de Garde. E nehenehe e hauti faahou i te tupuraa. Niuhia i nia i te paratarafa 2, a rave atoa i te hoê faahiˈoraa e nafea ia haamata i te hoê haapiiraa ma te faaohipa i te tuhaa “Ta Iesu e haapii maira,” i roto i te Tour de Garde o te 1 no Atete.

Himene 26

Hebedoma o te 18 no Atete

Himene 135

10 mn: Parau faaara. Parau faaite e tano o Ta tatou taviniraa i te Basileia. A haapoto i te “Porotarama o te tairururaa haaati i mua nei.” A faaite i te taio mahana o tera tairururaa mai te peu e ua faaitehia ˈtu.

20 mn: Te faahanahana ra to tatou faaahuraa e faaneheneheraa rouru ia Iehova. Oreroraa parau na te hoê matahiapo. No te mea e Atua moˈa o Iehova, ua riro te mâraa pae tino ei ohipa matamua i roto i to ˈna nunaa. (Exo. 30:17-21; 40:30-32) Na roto i te hiˈoraa maitai o to tatou faaahuraa e faaneheneheraa rouru, i roto iho â râ i ta tatou taviniraa, te faaoaoa ra e te faahanahana ra tatou ia Iehova. (Pet. 1, 2:12) I te tahi aˈe pae, ia ore tatou e tâuˈa e “faainohia te parau a te Atua.” (Tito 2:5) A faatia i te tahi mau tupuraa no ǒ nei aore ra tei neneihia o te faaite ra mea nafea te faaahuraa maitai o te hoê taata poro i te faatupuraa i te hoê faaiteraa.

15 mn: Te feia apî o te horoa ra i te hoê faaiteraa puai. Oreroraa parau faaitoito no te mau metua e ta ratou mau tamarii e haere noa ra i te haapiiraa. A haamanaˈo i te feia apî ia faaohipa i te mau taime maitatai no te horoa i te faaiteraa. Ia taimehia, a ani i te feia i putuputu mai ia faatia mea nafea to ratou horoaraa i te faaiteraa a haere ai ratou i te haapiiraa.

Himene 61

Hebedoma o te 25 no Atete

Himene 24

15 mn: Parau faaara. A taio i te tapura faufaa moni e te mau haamauruururaa no te mau ô. A haamanaˈo i te feia e faaroo ra ia afai mai i Te Pare Tiairaa o te 1 no Atopa (wp08 1/9-F) e te Réveillez-vous! no Tetepa i te Putuputuraa no te taviniraa i te hebedoma i mua nei e ia ineine ratou no te aparau e nafea ia pûpû i te reira i roto i te tuhaa fenua. A haapoto i te “Porotarama o te mahana tairururaa taa ê i mua nei,” e a faaite i te taio mahana o tera tairururaa mai te peu e ua faaitehia ˈtu.

15 mn: Hinaaro o te amuiraa.

15 mn: A haamata i te hoê haapiiraa bibilia i te farereiraa matamua i Tetepa. Aparauraa e te feia e faaroo ra. I Tetepa, e pûpû tatou i te buka Bibilia haapii e e tutava tatou i te hiˈopoa tau paratarafa e te taata i te farereiraa matamua. A hiˈo faahou i te mau faaiteraa o te api hau o Ta tatou taviniraa i te Basileia no Tenuare 2006, e a rave hoê aore ra e piti faahiˈoraa e nafea ia haamata i te hoê haapiiraa bibilia i te farereiraa matamua.

Himene 196

Hebedoma o te 1 no Tetepa

Himene 112

10 mn: Parau faaara. A haamanaˈo i te feia poro ia faahoˈi mai i ta ratou tapura taviniraa no Atete.

20 mn: Moemoe aita râ i moehia. Oreroraa parau i nia i te Tour de Garde o te 15 no Eperera 2008, api 25-8. A faahiti i te tahi Kerisetiano o te amuiraa e faaea ra i te fare ruau. Aita anaˈe, a faaohipa i te mau faaueraa tumu e vai ra i roto i te tumu parau no te faaitoito i te amuiraa ia tauturu i te mau Kerisetiano tino paruparu aore ra ua taotiahia ta ratou apitiraa i te mau ohipa a te amuiraa.

15 mn: A faaineine i te pûpû i Te Pare Tiairaa o te 1 no Atopa (wp08 1/9-F) e te Réveillez-vous! no Tetepa. Aparauraa e te feia e faaroo ra. A horoa i te hoê faaiteraa poto o te mau vea, e a ani i te feia e faaroo ra eaha te mau tumu parau ta te taata o ta tatou tuhaa fenua e anaanatae. Eaha te uiraa e te irava e nehenehe e faaohipa no te omua i te tumu parau? A rave i te hoê faahiˈoraa e nafea ia faaohipa i te hoê hohoˈa faaiteraa o Ta tatou taviniraa i te Basileia. Faahiˈoraa: e rave hoê o na matahiapo i te hoê faaiteraa poto ta ˈna i faaineine i nia i te hoê tumu parau e tano i te tuhaa fenua.

Himene 74

[Nota i raro i te api]