Te ohipa pororaa rahi roa ˈˈe ta te ao i ore i ite aˈenei!
Ua hau atu i te 100 matahiti to te mau Ite no Iehova faanahoraahia no te faaite haere i te parau apî maitai. (Kor. 1, 9:23) I roto i teie ohipa pororaa rahi roa ˈˈe ta te ao i ore i ite aˈenei, e faaite tatou i te poroi na roto i te mau hanere reo e i roto e 230 tiahapa fenua e tuhaa fenua. (Mat. 24:14) No te aha râ e titauhia ˈi teie ohipa? E e nafea te reira e ravehia ˈi e ati aˈe te ao nei?
E pahono te DVD Les Témoins de Jéhovah: organisés pour proclamer la bonne nouvelle i tera na uiraa ma te faataa huˈahuˈa i te tuhaa e rave rahi o ta tatou ohipa nunaa rau. A mataitai ai oe i te reira, a feruri i teie mau uiraa: (1) Mea nafea ta tatou ohipa i faanahohia ˈi e i arataihia ˈi? (2) E nafea te mau Tuhaa papairaa, huriraa, hohoˈa, haruharuraa e video e turu ai i te faaite-haere-raa i te parau apî maitai? (3) Eaha te fa o ta tatou mau ohipa neneiraa e haponoraa rahi? (Ioa. 17:3) (4) Ehia rahiraa papai e neneihia ra i te matahiti hoê? (5) Eaha tei faatupuhia e ta tatou mau papai bibilia? (Heb. 4:12) (6) Eaha te ravehia no te tauturu i te pae varua i te feia matapo aore ra tariˈa turi? (7) E nafea ta tatou ohipa e aufauhia ˈi? (8) E nafea tatou e faufaahia ˈi i te ohipa a te Tuhaa haamaramaramaraa i te pae rapaauraa, te Tuhaa taviniraa, e te Tuhaa tairururaa mataeinaa? (9) Ei Ite no Iehova, mea nafea teie video i te faarahiraa i to oe mauruuru no (a) te tutavaraa ta te faanahonahoraa a Iehova e rave ra no te poro i te parau apî maitai? (b) te ohipa a na utuafare o te Betela 100 tiahapa i te ao nei? (c) te faaineineraa no te mau tiaau e mitionare? (d) te faufaaraa ia haamata i te mahana taitahi e te hiˈopoaraa i te hoê irava bibilia e te faaineineraa i te mau hebedoma atoa i te mau putuputuraa a te amuiraa? (e) te mau maitai o te haereraa i ta tatou mau haaputuputuraa Kerisetiano? (f) te huru o te Paradaiso i nia i te fenua? (Isa. 11:9) (g) ta oe apitiraa i te ohipa auhune e tupu nei?—Ioa. 4:35.
Eaha te huru maitai ta oe i ite i to oe faaiteraa i teie video i to oe mau fetii, te feia ta oe i matau, ta oe mau farerei-faahou-raa, e piahi Bibilia? No te aha e ore ai e faaite oioi i te reira e te parau apî maitai i te tahi atu mau taata?—Mat. 28:19, 20.