Putuputuraa no te taviniraa

Hebedoma o te 10 no Tetepa

Himene 225

10 mn: Parau faaara. Ma te faaohipa i te mau manaˈo tauturu o te api 8 o Ta tatou taviniraa i te Basileia no Atete 2007 aore ra te tahi atu mau faaiteraa e tano i ta outou tuhaa fenua, a faaite e nafea ia pûpû i te Tour de Garde o te 15 no Atete e te Réveillez-vous! no Atete. I roto i na faahiˈoraa, e pûpû tatou i na vea e piti noa ˈtu e hoê noa ta tatou e faaite atu.

15 mn: Pahonoraa i ta outou mau uiraa. Tuhaa vauvauhia e te hoê matahiapo. Aparauraa e te feia e faaroo ra. A taio e a aparau i nia i te mau irava i horoahia ˈtu ia taimehia.

20 mn: “A pee i te hiˈoraa o Iesu.”a A ani i te feia e faaroo ra ia faatia mea nafea ratou i te faufaaraahia i te hiˈoraa maitai o vetahi ê.

Himene 130 e pure faaotiraa.

Hebedoma o te 17 no Tetepa

Himene 60

10 mn: Parau faaara.

15 mn: Eaha ta tatou i rave i te matahiti i mairi aˈenei? E haamanaˈo te tiaau no te taviniraa i te matahiti taviniraa i mairi aˈenei e e haamataratara i te ohipa maitai i ravehia i roto i te taviniraa. A haapopou atu ma te tano. A faahiti hoê aore ra e piti tuhaa e mea tia ia haapao te amuiraa i te roaraa o te matahiti taviniraa apî. A faahiti i te ohipa a te mau pionie, a haapopou atu no ta ratou ohipa maitai. A faahiti i te mau faahopearaa maitatai o te mau tutavaraa i ravehia no te tauturu i te feia aita e poro faahou ra.

20 mn: Te hoê fetii taeae tahoê. Oreroraa parau e aparauraa e te feia e faaroo ra i nia i te buka Organisés pour faire la volonté de Jéhovah, pene 16.

Himene 74 e pure faaotiraa.

Hebedoma o te 24 no Tetepa

Himene 162

10 mn: Parau faaara. A taio i te tapura faufaa moni e te mau haamauruururaa no te mau ô.

15 mn: Hinaaro o te amuiraa.

20 mn: A faaohipa i te api parau E hinaaro anei outou e ite hau atu â no nia i te Bibilia? no te haamata i te mau haapiiraa bibilia i Atopa. O Te Pare Tiairaa e te Réveillez-vous! te pûpûraa no Atopa. Mai te peu e e anaanatae te mau taata, a faaohipa i te api parau no te haamata i te hoê haapiiraa bibilia. A aparau poto i nia i te api parau i muri aˈe i te opereraa ˈtu na te feia atoa i tae mai, mai te peu e te vai ra. A faataa e e nehenehe e hiˈopoa e te fatu fare i te taatoaraa aore ra te tahi tuhaa o te api parau i te farereiraa matamua aore ra ia hoˈi atu outou. Ma te faaohipa i te mau manaˈo tauturu o te api 8 o Ta tatou taviniraa i te Basileia no Atete 2007 aore ra te tahi atu mau faaiteraa e tano i ta outou tuhaa fenua, a faaite e nafea ia pûpû i Te Pare Tiairaa o te 1 no Tetepa e te Réveillez-vous! no Tetepa. I roto hoê o na faahiˈoraa, e vaiiho te taata poro i te api parau i te fatu fare o te patoi i te mau vea. I roto i te tahi atu faahiˈoraa, i muri aˈe i to te fatu fare fariiraa i te mau vea, e horoa ˈtu te taata poro i te api parau, e aparau oia i nia i te api 5, e faaite oia i te parau aniraa i te api 6 e e ani oia ia hoˈi mai e te buka Bibilia haapii.

Himene 222 e pure faaotiraa.

Hebedoma o te 1 no Atopa

Himene 88

10 mn: Parau faaara e parau faaite e tano o Ta tatou taviniraa i te Basileia. A haamanaˈo i te feia poro ia faahoˈi mai i ta ratou tapura taviniraa no Tetepa.

15 mn: Rata a te amaa. Oreroraa parau e aparauraa e te feia e faaroo ra i nia i te rata e vai ra i te api matamua o teie Taviniraa i te Basileia. A ani i te feia e faaroo ra ia faatia mai i te tahi mau tupuraa no ǒ nei no te opereraa taa ê i tupu aˈenei no te titau manihini i te taata i te tairururaa mataeinaa “A pee i te Mesia!”

20 mn: “E tutava ˈtu â anaˈe i roto i ta tatou taviniraa.”b A ani i te mau taeae e tuahine o te tutava ra i te ohipa rahi atu â, ia faataa mea nafea ratou i te imi-noa-raa i te faarahi atu â i ta ratou taviniraa. E nehenehe e faanaho-oioi-hia hoê aore ra e piti faatiaraa.

Himene 102 e pure faaotiraa.

[Nota i raro i te api]