Putuputuraa no te taviniraa

Hebedoma o te 11 no Titema

Himene 174

10 mn: Parau faaara. Ma te faaohipa i te mau manaˈo tauturu o te api 8 o Ta tatou taviniraa i te Basileia no Novema 2006 aore ra te tahi atu mau faaiteraa e tano i ta outou tuhaa fenua, a faaite e nafea ia pûpû i te Tour de Garde o te 15 no Novema e te Réveillez-vous! no Novema. I roto hoê o na faahiˈoraa, a faaite e nafea ia pahono i te patoiraa “Aita vau e anaanatae ra.”—A hiˈo i te buka Haaferuriraa, api 15-6.

15 mn: Te Haapiiraa o te taviniraa teotaratia i 2007. Oreroraa parau e uiuiraa manaˈo a te tiaau no te haapiiraa. A faahiti i te mau manaˈo e tano i ta outou amuiraa e vai ra i te api hau o Ta tatou taviniraa i te Basileia no Atopa 2006. A faataa e eita te tiaau no te haapiiraa e faaite oioi i te tuhaa oreroraa ta te hoê piahi e faaohipa. E faaoti tatou i 2007 i te taioraa o te mau Papai Hebera mai te Isaia 24 e tae atu i te hopea o te Malaki; e taime tano ïa no te mau taeae o te vauvau i te mau manaˈo faufaa o te taioraa bibilia e no te feia o te horoa i te mau pahonoraa, ia faaohipa i te mau papai o te tatara ra i teie mau buka tohu. A uiui e piti aore ra e toru taata poro, te hoê piahi apî, te hoê piahi taurearea e haere maitai ra i mua, e te hoê piahi aravihi. A ani ia ratou ia faatia i te mau faahopearaa o te haapiiraa i nia i ta ratou taviniraa e i nia i to ratou ea pae varua. A faaitoito i te taatoaraa ia rave maite i ta ratou mau vauvauraa, ia apiti i te mau manaˈo faufaa o te taioraa bibilia, e ia faaohipa i te mau aˈoraa e horoahia i te mau hebedoma atoa i nia i te buka Tirez profit de l’École du ministère théocratique.

20 mn: “Eiaha e faarue i to oe here matamua.”a Ia taimehia, a ani i te feia e faaroo ra ia tatara i te mau irava e horoahia ra.

Himene 193 e pure faaotiraa.

Hebedoma o te 18 no Titema

Himene 150

10 mn: Parau faaara. Parau faaite e tano o Ta tatou taviniraa i te Basileia. A hiˈopoa i te Pahonoraa i ta outou mau uiraa. A faaite i te mau faanahoraa taa ê no te pororaa i te 25 no Titema e te 1 no Tenuare.

15 mn: “A hoˈi e farerei i te feia atoa e faaite ra i te tahi anaanatae.”b A ani i te feia e faaroo ra ia faataa i ta ratou i rave ia noaa mai te tahi mau haamaramaramaraa no nia i te feia i anaanatae ta ratou i farerei i roto i te pororaa faanaho-ore-hia aore ra i roto i te aroâ e ia faatia mai i te tahi mau tupuraa faahiahia i to ratou farerei-faahou-raa i taua mau taata ra. E nehenehe e ani oioi hoê aore ra e piti melo.

20 mn: “E hopoi mai te feruriraa horoa noa i te mau haamaitairaa.”c A uiui hoê aore ra e piti taata poro matauhia no to raua huru feruriraa tauturu. Mea nafea to raua faaiteraa i te hoê huru feruriraa tauturu? Eaha te mau faatanoraa tei titauhia ia rave raua, e mea nafea to raua na reiraraa? Eaha ïa te mau haamaitairaa ta raua i fanaˈo?

Himene 108 e pure faaotiraa.

Hebedoma o te 25 no Titema

Himene 210

10 mn: Parau faaara. A taio i te tapura faufaa moni e te mau haamauruururaa no te mau ô. Ma te faaohipa i te mau manaˈo tauturu o te api 8 o Ta tatou taviniraa i te Basileia no Novema 2006 aore ra te tahi atu mau faaiteraa e tano i ta outou tuhaa fenua, a faaite e nafea ia pûpû i Te Pare Tiairaa o te 1 no Titema e te Réveillez-vous! no Titema. I te hopea o na faahiˈoraa taitahi, e tuu te taata poro i te hoê uiraa ta ˈna e pahono i te farereiraa i mua maoti te buka Bibilia haapii.

15 mn: Hinaaro o te amuiraa.

20 mn: “Te vai ra anei ta oe iho tuhaa fenua?”d A ani i te tiaau no te taviniraa ia faataa poto i te mau otia o te tuhaa fenua a te amuiraa, te pinepineraa e porohia ˈi te reira e te neheneheraa e fanaˈo i ta ˈna iho tuhaa fenua.

Himene 219 e pure faaotiraa.

Hebedoma o te 1 no Tenuare

Himene 158

Nota: Eiaha te mau amuiraa e faanuu mai i ta ratou Putuputuraa no te taviniraa o te hebedoma o te 1 no Tenuare, taa ê noa ˈtu ia tere atu te tiaau haaati. I roto i te mau amuiraa atoa, e mea tia ia hiˈopoahia te api hau no nia i te tairururaa mataeinaa i te Putuputuraa no te taviniraa mai tei faanahohia. Mai te peu e e tairururaa haaati ta te hoê amuiraa i taua hebedoma ra, e faaara te mau tiaau no te haapiiraa buka i te vahi e te mau taio mahana o te tairururaa mataeinaa i roto i te haapiiraa buka i faanahohia mai tei matauhia.

5 mn: Parau faaara. A haamanaˈo i te feia poro ia faahoˈi mai i ta ratou tapura taviniraa no Titema.

15 mn: Te tahi mau parau faataa no nia i te mau haereraa i mua a te taviniraa. Oreroraa parau e aparauraa e te feia e faaroo ra i nia i te buka Organisés pour faire la volonté de Jéhovah, mai te upoo parau iti o te api 83 e tae atu i te hopea o te pene.

25 mn: “Tairururaa mataeinaa 2007 a te mau Ite no Iehova ‘A pee i te Mesia!’”e Na te papai parau o te amuiraa. Hou a hiˈopoa ˈi i te api hau, a taio i te rata o te 15 no Titema 2006 o te faaite ra i teihea tairururaa ta te amuiraa e haere atu. Ia hiˈopoahia te paratarafa 8 o te api hau, a taio i te mau manaˈo atoa o te tumu parau tarenihia “E nafea ia tarahu i to oe piha hotela.” A faaitoito i te taatoaraa ia faanaho oioi ia ratou no te tairururaa.

Himene 65 e pure faaotiraa.

[Nota i raro i te api]