Te Apokalupo—Ua fatata roa to ˈna tatararaa rahi hopea nei!
1 “E ao to ˈna to te taio, e to te feia e faaroo i teie nei parau tohu, e te haapao i tei papaihia i roto ra: ua fatata te tau e tupu ai.” (Apo. 1:3) Te haamahitihiti ra tera mau parau i te faufaaraa o te buka Apokalupo, i te mea iho â râ e te ora nei tatou i te tau i faataahia e tupu ai to ˈna parau tohu e rave rahi. Ma te tano, e haamata tatou i te haapiiraa o te buka Te Apokalupo—Ua fatata roa to ˈna tatararaa rahi hopea nei! i roto i te Haapiiraa buka a te amuiraa mai te hebedoma o te 8 no Tenuare 2007.
2 Mai te taime hopea a haapii ai tatou i te buka Apokalupo—Tatararaa hopea i roto i te Haapiiraa buka a te amuiraa, ua taui te tupuraa o te ao i roto e rave rahi huru. (Kor. 1, 7:31) Hau atu â, e rave rahi o tei apiti i te feia poro i te parau apî maitai o te Basileia o tei ore i fanaˈo aˈenei i te hiˈopoaraa i te mau irava atoa o te buka Apokalupo. E mea tia ia tauturu te haapiiraa o te buka Apokalupo—Tatararaa hopea ia tatou paatoa ia vai ara i te tupu a muri aˈe.—Apo. 16:15.
3 A haamau ei fa na oe te taeraa mai i te mau hebedoma atoa. Eita noa teie haapiiraa e tauturu ia tatou ia ara tera râ e tauturu atoa te mau poroi a Iesu i na amuiraa e hitu ia tatou ia ape i te mau tupuraa o te nehenehe e haafifi ia tatou i te pae varua e ia apiti i te taviniraa.—Apo. 1:11, 19.
4 A faaineine maitai ia oe: Hou te haapiiraa buka taitahi, a taio i te mau irava o te hiˈopoahia i roto i te buka Apokalupo. A papai i te haaferuriraa bibilia o te haamaramarama. A tutava i te taa ia putapû te aau. (Neh. 8:8, 12) A rave i te taime no te feruriruri e a ui ia oe iho: ‘Eaha ta te reira e parau mai ra no nia ia Iehova e te tupuraa o ta ˈna opuaraa? E nafea vau e nehenehe ai e ohipa ia au i ta ˈna opuaraa e e tauturu i te tahi atu?’
5 E iva ahuru ma piti matahiti tei mahemo mai te haamataraa mai o “te mahana o te Fatu” i 1914. (Apo. 1:10) Te fatata maira te mau tupuraa peapea i tohuhia i roto i te buka Apokalupo. E tamahanahana te haapiiraa i te buka Apokalupo—Tatararaa hopea i to tatou aau e feruriraa e e haapuai i to tatou faaroo e ua fatata “te tamaˈi i taua mahana rahi o te Atua Puai hope ra” e te ao apî.—Apo. 16:14; 21:4, 5.