Putuputuraa no te taviniraa

Hebedoma o te 14 no Atete

Himene 163

15 mn: Parau faaara. A haapoto i te “Porotarama o te mahana tairururaa taa ê i mua nei.” A faaite i te taio mahana o tera tairururaa mai te peu e ua faaitehia ˈtu. Ma te faaohipa i te mau manaˈo tauturu o te api 4 o Ta tatou taviniraa i te Basileia no Tiurai 2006 aore ra te tahi atu mau faaiteraa e tano i ta outou tuhaa fenua, a faaite e nafea ia pûpû i Te Pare Tiairaa o te 1 no Atete e te Réveillez-vous! no Tiurai. I roto hoê o na faahiˈoraa, a faaite e nafea ia pahono i te patoiraa “Aita vau e anaanatae ra i te mau Ite no Iehova.”—A hiˈo i te buka Haaferuriraa, api 17.

15 mn: E nehenehe oe e haamahanahana ia vetahi ê. (Roma 1:11, 12) Oreroraa parau e aparauraa e te feia e faaroo ra. A faaite ehia pionie tamau ta te amuiraa. A faataa i te mau ravea e faaitoito ai ia ratou, mai te haapopouraa ˈtu, te faahitiraa i te mau maitai o te taviniraa pionie, te pororaa na muri ia ratou, te tamaaraa e o ratou, e te aufau-atoa-raa i te mau haamâuˈaraa o te faurao. A ui i te mau pionie tamau mea nafea to vetahi faaitoitoraa ia ratou. Mai te peu e aita e pionie tamau ta te amuiraa, a faataa e nafea tatou e nehenehe ai e faaitoito i te mau pionie tauturu.

15 mn: Jusquˈoù peut-on être ami avec ses camarades de classe? Oreroraa parau e aparauraa e te feia e faaroo ra i nia i te Réveillez-vous! no Eperera 2006, api 17-9. A ani i te feia e faaroo ra tei paari i roto i te mau utuafare Kerisetiano ia faataa mea nafea to ratou mau metua i te faaineineraa ia ratou ia faaruru i te mau fifi e ia faaohipa i te mau faaueraa tumu bibilia i te fare haapiiraa. E nehenehe e ani oioi hoê aore ra e piti taata poro.

Himene 164 e pure faaotiraa.

Hebedoma o te 21 no Atete

Himene 62

10 mn: Parau faaara e parau faaite e tano o Ta tatou taviniraa i te Basileia. A haapoto i te “Porotarama o te tairururaa haaati i mua nei” e a faaite i te taio mahana o tera tairururaa mai te peu e ua ite outou.

15 mn: E haafaufaa anaˈe i te Haapiiraa o Te Pare Tiairaa e te Putuputuraa no te taatoaraa. Oreroraa parau e aparauraa e te feia e faaroo ra i nia i te buka Organisés pour faire la volonté de Jéhovah, api 59 e tae atu i te upoo parau iti api 64.

20 mn: A faanaho ia oe i teie nei no te taviniraa pionie tauturu! Oreroraa parau e aparauraa e te feia e faaroo ra. A faaitoito ia ratou ia haamau i te fa e rave i te taviniraa pionie tauturu hoê aˈe avaˈe i te roaraa o te matahiti taviniraa apî. (Kor. 1, 9:26) E maiti paha vetahi i te hoê avaˈe ohipa taa ê aore ra te hoê avaˈe te vai ra te faaearaa ohipa aore ra te mau hopea hebedoma hau. A ui i te feia e faaroo ra: “Na mua ˈˈe, mea nafea to outou faarururaa i te mau fifi no te riro ei pionie tauturu? Eaha te mau haamaitairaa o te taviniraa pionie tauturu? Mai te peu e te hinaaro ra outou e aita râ outou e papu ra, no te aha e mea tia ˈi ia pure outou no te reira? (Ohi. 4:29; Kor. 2, 4:7; Iak. 1:5) No te aha e mea maitai atoa ˈi ia aparau i te reira e te utuafare e vetahi atu i roto i te amuiraa, te feia iho â râ hoê â to outou tupuraa? (Mas. 15:22) Afea outou e opua ˈi i te rave i te taviniraa pionie tauturu?”

Himene 216 e pure faaotiraa.

Hebedoma o te 28 no Atete

Himene 17

10 mn: Parau faaara. A taio i te tapura faufaa moni e te mau haamauruururaa no te mau ô. A haamanaˈo i te feia poro ia faahoˈi mai i ta ratou tapuraa taviniraa no Atete. Ma te faaohipa i te mau manaˈo tauturu o te api 4 o Ta tatou taviniraa i te Basileia no Tiurai 2006 aore ra te tahi atu parau faaite e tano i ta outou tuhaa fenua, a faaite e nafea ia pûpû i te Tour de Garde o te 1 no Atete e te Réveillez-vous! no Atete i te hoê farerei-faahou-raa i roto i te hoê tapura opereraa vea.

15 mn: “Réveillez-vous! taa ê e operehia i Tetepa.”a Ia hiˈopoahia te paratarafa 4, a rave i te hoê faahiˈoraa poto i reira te hoê taurearea e pûpû ai i te Réveillez-vous! no Tetepa i te hoê orometua haapii.

20 mn: E nehenehe anei oe e haamata i te hoê haapiiraa bibilia i Tetepa? Oreroraa parau e faahiˈoraa. I Tetepa, e tutava taa ê tatou i te haamata i te mau haapiiraa bibilia i te farereiraa matamua, ma te faaohipa i te buka Bibilia haapii. Te auraa e i te taime e vaiiho ai tatou i te buka, e faaitoito tatou i te aparau tau paratarafa e te fatu fare. Ma te faaohipa i te mau tumu parau e tano i te tuhaa fenua, a rave e piti faahiˈoraa. I roto i te faahiˈoraa taitahi, a faaite e nafea ia faanaho maitai i te farerei-faahou-raa no te aparau â.

Himene 37 e pure faaotiraa.

Hebedoma o te 4 no Tetepa

Himene 90

10 mn: Parau faaara. A tatara i te tumu parau “Te Oroa haamanaˈoraa: numera otahi o te feia i tae mai!”

15 mn: E faaoti papu anaˈe i nia i te parau o te toto. A taio e a tatara i te rata o te 29 no Me 2006 na te mau amuiraa atoa.

20 mn: “E faaite anaˈe i te anaanatae mau—ma te poro ma te pae tahi ore.”b Ia aparauhia te Roma 1:14 i te hopea o te paratarafa 2, a faahiti poto atoa i te tahi mau manaˈo o te Étude perspicace, buka 1, api 270, te paratarafa matamua i raro aˈe i te tumu parau “Barbare.” I muri aˈe i te hiˈopoaraa i te paratarafa 3, a haamanaˈo i na taahiraa e toru i te api 2 o te buka iti Une bonne nouvelle pour des gens de toutes nations, e a rave i te hoê faahiˈoraa ma te faaohipa i te buka iti e te hoê taata reo ê.

Himene 225 e pure faaotiraa.

[Nota i raro i te api]